Skip to main content

Nuuk: Mittarfimmi utaqqisarfik pitsaanerulissaaq

Nuummi mittarfik annertunngikkaluartumik nutarsarneqalerpoq, julip qaammataata ingerlanerani naammassisussamik

Nuup mittarfiani atuisunut issiavissatigut, pinnguarfissatigut tulleriillunilu utaqqinermi atukkat, pitsanngorsaavigineqassapput. Tassaapput Nuup mittarfiani nutarsaaqqammernermi pitsannguutit.

Mittarfiup utaqqisarfia 1979-mi sananeqarami ukiumut angallattunik 25.000-nik kiffartuussiviusussatut pilersaarusiorneqarluni sananeqarnikuuvoq. Ullumikkut 65.000-t sinnerlugit angallaffiuvoq. Tamatuma nassataraa angallattoqarluartillugu tattoqisaattoqarsinnaanera, Mittarfeqarfiit avammut oqaaseqartartuat Hans Henrik Lichtenberg oqarpoq. 

Issiaviit amerlanerusut
Inissaq annertunerusoq pigilerusullugu iikkat atunngitsut piiarneqarput, tulleriillutik utaqqisunut killilersuusersuisoqarpoq nikorfaffiusinnaasumik atorluaarusulluni. Utaqqisarfik 73-nut issiavissaateqarpoq siornatigut 52-galuarput. Issiavissat ilaanni kallerup-inneranut ikkuffeqarpoq soorlu qarasaasianut ikkuffiusinnaasunik. Issiavissat ilaat nerrivittaqarput.

Taakku saniatigut nutarsaanermi mittarfimmit kissaatigineqarsimavoq, allagartat paasissutissiissutit ussassaarutillu iikkani nivingasut , nutarterneqarnissaat. Siunissami takorloorneqarpoq ussassaarutit seqersittakkani takuneqarsinnaalissasut, atuisunit akilimmik aaliangersimasumillu amerlassusilikkanik nittarneqartarnissaannik isumaqatigiissuteqarnikkut takuneqarsinnaasussanik, Mittarfeqarfiit nalunaarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER