Skip to main content

Nuuk Marathonertoqangajalersoq

Arpaatitit piariikkit - Aggustip 10-ani Nuuk Marathonertoqassaaq

Ukioq manna Nuummi marathonertoqarnissaanut sapaatip akunnera ataasiinnanngorpoq. Arpanneq nunaannarmi aqqusinikkut taama isorartutigisumi arpannerni sakkortunersaat ilaat siornatigut Nuummi inuit nuannaffiattut isumaqarnikuuvoq. Tamannali attatiinnarneqarsinnaasimanngilaq, nuannarineqarnerpaat tungaatigut DHL Stafetimit allaniillu Nuummi timersornermi pisartuniit qaangerneqarsimavoq. Minnerunngitsumik arpattartut matumunnga unammillernerat pisoq angisuujutippaat.

Tamanut isorartussutsit

Ukioq manna aggustip 10-ani arpannissami isorartussutsit toqqagassat arlaqarput. Soorunami nalinginnaasumik marathonernermi 42,2 kilometerinik isorartussuseqarpoq, aamma 1/2 marathoni 21,1 kilometerinik isorartussusilik taavalu 10 kilometerinik isorartussusilik. Taakkua saniatigut ilaqutariinnut 4,2 kilometerinik arpatsitsisoqassaaq, tassa marathonip isorartussusaata qulerarterutaa.

Peqataanissamut nalunaarfissaq ammavoq

Maannangaaq isorartussutsinut pingasunut marathonimut, 1/2 marathonimut, 10 kilometerinullu peqataanissamut nalunaartoqarsinnaavoq. Nalunaarneq www.Spurto.com-ikkut pissaaq, tassani Nuuk ujarneqarsinnaavoq. Quppersakkami tassani peqataanissamut nalunaartoqassaaq aggustillu 9-ani nalunaarsinnaaneq taamaatissavoq. Ilaqutariinnut arpatsitsinermut aatsaat ulloq arpaffiusumi nalunaartoqarsinnaavoq. Nunatsinniit, Danmarkimiit Tysklandimiillu peqataaniarlutik nalunaarsimasut takuneqarsinnaalereersimapput.

Illoqarfiup qeqqaniit aallartissaaq

Ukioq manna aallartinneq illoqarfiup qeqqani Brugesnimiit pissaaq. Ukioq kingullermut naleqqiullugu ukioq manna marathonimik arpattut amerlanerussasut naatsorsuutigineqarpoq, siorna 22-t saniatigut arfineq pingasuinnaat marathonimik arpapput (19-it arpanneq naammassivaat). 2005-imi 2006-imilu 50-it missaat marathonimik arpanniarlutik nalunaarsimapput. Marathonimik isorartussusilimmik arpanneq nal. 10:00 aallartissaaq, 1/2 marathonimut 10 kilometerinillu arpannerit nal. 11:00 aallartinneqassallutik.

Siunissami Qinngorput qanoq takorloorpiuk?
Illoqarfiup ilaa Qinngorput qanoq isikkoqassava? Siunnersuuteqarit makitsinermullu peqataagit.
Uju partiip siulittaasuanut: Oqaloqatigiittarniaritsi
Sermersuumi kitaani Demokraatit siulittaasuata oqaaseqaataa Kommuneqarfik Sermersuumi Meeqqanut Ilaqutariinnullu Ataatsimiititami siulittaasuanut Uju Petersenimut annertuumik uissuummisitsivoq. Anna...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER