pilluaritsi
Nuuk Internationale Friskole ukiuni qulinngortorsiorpoq
Friskole suleqatigisimasaminut maannalu suleqatigisaminut, angajoqqaanut aamma sulisunut ilassinninniarluni aggersaavoq
Nuuk Internationale Friskole atoqqaartinneqarneranit ukiut qulerpiaat qaangiupput.
Atuarfik najukkamik inuussutissarsiortunit aamma angajoqqaanit kommunimi meeqqanut atuarfimmut taarsiullugu toqqagassaqarnissamik kissaateqartunit tunngaveqarluni pilersinneqarpoq.
Suliniummut tamanna aallarniutaavoq, ingerlaffiualu ataasiinnaalluni. Nuuk Internationale Friskole - ulluinnarni NIF - ullumikkut 192-inik atuartoqarpoq, klassinullu tamangajannut utaqqisoqarpoq.
Ineriartorneq ilinniarnerlu
- Ukiut qulit qaangiuttut paasinarsivoq, Nuummi friskolimik pisariaqartitsisoqartoq. NIF-ip ilinniarnerup avatangiisaanni illoqarfimmilu inissani nassaarinikuuaa, atuarfimmi pisortaq Pilo Samuelsen tusagassiuutinut nalunaarummi allappoq.
Taassuma erseqqissatigaa, atuarfik kulturimik ineriartortitsisimasoq, tassani ineriartorneq aamma ilinniarneq pingaartinneqarluni.
NIF suleqatigisimasanut maannalu suleqatiminut, angajoqqaanut sulisunullu ullumikkut sisamanngornermi ilassinninniarluni aggersaavoq.