silarluk
Nuuk: Ilimmarfik aamma matujaarpoq
Sakkortuumik kitaani anorlernera pingasunngornermi aatsaat qatsuumissangatinneqarpoq
Annonse
Sakkortuumik Nuummi anorlernera sorpassuartigut ataasinngornernermi marlunngornermilu sunniivoq. Timmisartut, bussit, ataatsimiinnerillu taamaatiinnarput. Maanna Ilisimatusarfimmi ilinniartut aamma angerlajaartinneqarput.
Ilimmarfik ilinniartuminut nalunaarpoq ullup qeqqanut matussallutik. Ilinniartorpassuit ilinniarfimmut angerlamullu ingerlaarnerminni bussit pinngitsoorsinnaanngilaat. Anorersuaq ullup qeqqata kingorna sakkortusissangatinneqarpoq DMI-llu ilimasaarutaa malillugu pingasunngornermi ullaakkut aatsaat qatsortussaalluni.
Taxat aamma ulapaarnerarput bussillu ingerlaarfimmi ataasiinnarmi ingerlaarput aqquserngit quasappallaarmata anoraasuanerillu sakkortummata.