Nuuk Couture nutaamik pisortartaarpoq
Louise Lynge Berthelsenip qatanngutaa Nivé Lynge Petersen Nuuk Couturemi pisortanngorpoq
Louise Lynge Berthelsen Nuuk Couturemi pisortatut tunuareerpoq, maannalu nutaamik pisortamik toqqaasoqarpoq.
Nivé Lynge Petersen pisortassatut toqqarneqarpoq.
Suliffeqarfik tusagassiutinut nalunaarummi allappoq.
36-nik ukiulimmik Nivé Lynge Petersenimik toqqaaneq pissusissamisoorluartoq nalunaarutigineqarpoq.
- Nuuk Couturep 2010-mi aallarnisarneranit Nivé Lynge Petersen peqataavoq. Louise Lynge Berthelsenimik qanimut suleqateqartarpoq, soorlu ilusilersuinikkut suliffeqarfiup ingerlanneratigullu, nalunaarutigineqarpoq.
Louise Lynge Berthelsen ukiut qulit missaat pisortaareerluni tunuarpoq. Taanna Arctic Circle Businessimi marsip aallaqqaataani pisortanngussaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...