Skip to main content

Nuuk AWG-mit tikeraarneqartoq

AWG-p ataatsimiititaliarsua, ukiullu tulliani peqataasussanit aallartitat, Nuummut sapaatip akunnerani uani tikeraassapput

Nunani issittuneersut nuimasut AWG 2016-imut piareersaatinut malinnaajartortut Nuummut, ukioq ataasiunngitsoq qaangiuppat unammiuaarfiusussamut, ullumikkut ataasinngornermi tikipput.

Taama nalunaaruteqarpoq borgmester Asii Chemnitz Narup, Inuit Ataqatigiit, Host City sinnerlugu tusagassiuutinut nalunaaruteqarluni.

Tikeraat tassaapput Arctic Winter Gamesip ataatsimiititaliarsuani ilaasortat aammalu ukiup tulliani nunanit allanit nunallu immikkoortuinit peqataasussatut aallartitat 30-t missaanniittut.

- Piareersaativut uagut nammineq aaqqissuussisuusutut iluarisimaaqaavut, aaqqissuussisuusugullu tamatta ullut nuannersuunissaat qilanaaralutigit, ilaatigut pilersaarutaasut tikeraartunut issittumilu ikinngutitsinnut saqqummiunneqarumaarlutik, taama oqarpoq Asii Chemnitz Narup.

Ataatsimiinnermut ullunilu makkunani tikeraartunut aaqqissuisuupput Host Citymi siulersuisut, Sermersuumi borgmesteri Asii Chemnitz Narup, kultureqarnermut naalakkersuisoq, Demokraatineersoq Nivi Olsen aamma Kalaallit Nunaanni Sulisitsisut Peqatigiiffiata pisortaa Brian Buus Pedersen.

AWG 2016-imi peqataasussat tassaapput Kalaallit Nunaat, Alaska, Alberta, Northwest Territories, Nunavut, Nunavik, Yukon, Yamal Sibiriami qeqertaq, kiisalu Saamit aallartitaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER