akisoq

Nuuk: Attartortitsiniartoq ineeqqamut ataatsimut qaammammut 5.000 koruuni

Ineeraq 14 kvadratmeterisut angitigaaq, atuineq aamma akilerneqartassaaq

Danmarks Nationalbank Danmarks Nationalbank Danmarks Nationalbank

(Maluginiaruk: Tuniniaavimmi attartortitsiniartup allaaserineqartoq saqqummiunneqarmat Tuniniaavimmi neqeroorutini atorunnaarsippaa. Tamanna Sermitsiaq.AG-imut nalunaarutigaa. Taamaattumik allaaserineqartoq nutarterneqarpoq nalunaaqutaq 11.55 - tuniniaasup aqqa ilaatigut peerneqarluni)

Nuummi ineeqqamik attartorusukkuit aningaasaateqarluarlutillu qaammammut 5.000 koruuni kvadratmeterisut angitigisoq attartorneqarsinnaavoq.

Ineeraq pillugu attartortitsiniartup Tuniniaavimmi Sermitsiaq.AG-mi ima nassuiarpaa:

- Ineeraq 14 kvadratmeterisut angitigaaq, inimut, igaffimmut uffarfimmullu aqquteqarluni. Erngertumik nutsertoqarsinnaavoq. Allagit sianerilluunniit isumaqatigiissuteqarniarlutit. Qaammammut akilerneqartartut atuinermut aamma ilaapput.

Ineeqqamik attartortitsiniartoq Sermitsiaq.AG-imit saaffigineqarpoq, oqaluttuarporlu ineeraq Nuutoqqap eqqaaniittumiittoq.

- Sooruna ineeqqamik attartornissaq 5.000 koruuninik akeqartinneqarpa?

- Qaammammut 9.000 koruuneertarpunga. Ineeqqami qaammammut 1.500-2.000 koruunit missaannik atuisoqartarpoq, taamaattumik attartorneq 5.000 koruunimut inissippara.

- Saaffiginnittut amerlappat?

- Ussassaarut ippassaq aatsaat ikkunneqarpoq, taamaattumik nalunaartut amerlagisassaanngillat, attartortitsiniartoq aterminik isertuussisoq oqarpoq.

Aaqqissuisoqarfimmit atortitsiniartup kinaassusaa ilisimaneqarpoq.

Powered by Labrador CMS