Skip to main content

Nuuk assitigut ersarinnerulersinniaraat

Maanna kikkulluunniit nunarsuaq tamakkerlugu suliniut nutaaq ”crowdsoursing” ilanngussiffigisinnaalerpaat, taanna 'Google Streetview' assigalugu nunarsuarmi ornitassat sumiikkaluartulluunniit assilisanik assitalerlugit aaqqissuussaavoq

Kommuneqarfik Sermersuup kaammattuutigaa kikkunnulluunniit assilisanik ikkussueqqullugit, taamaaliornikkut Nuuk aamma kommunip sinnera alutornartumik nutaaliaasumillu nunarsuarmioqatigiinnut nittarsaanniassammassuk.

Nunarsuaq tamakkerlugug suliniut taanna Google Streetviewimut assinguvoq - assigiinngissutituaralugu kikkukkulluunniit assilisatik Mapillarymut nutaamut ikkussuussinnaammatigik.

Takornariaqarnermut iluaqutaasinnaasoq
Sanarfinermut Avatangiisinullu Ingerlatsivimmi pisortaq, Mike Jakob Kristiansen tusagassiuutinut nalunaarummi oqarpoq, Mapillary suliniut soqutigineqartorujussuusoq.

- Ilaatigut pissutigalugu kommunitsinni illoqarfiit aamma pinngortitaq pillugu inuit paasiniaanissaminnut pitsammik sakkussarsisinneqassapput, kisianni aamma takornariarumaartussat kusanartunik tamakkiinerusunillu assinik toqqaannartumik 'aallakaatinneqartunik' takusassaqartinneqassapput, angalanissaminnik inniminniinnginnerminni.

Mobilinnik assiliigit
- Mapillarymi pissutsit maannakkutut itsillugit, Københavnimi, Moskvami New Yorkimi allamiluunniit issialluni Nuup annerpaartaa aqqutigineqarsinnaavoq, Mike Jakob Kristiansen erseqqissaavoq.

Sanarfinermut Avatangiisinullu Ingerlatsivik biilimik GoPro-mik assiliivilerluni angalaarsimavoq, mobili atorlugu nunarsuarmioqatigiinnut suna aqqutigisimasaq takusassarsiarinera nuannerlunilu ajornanngitsunnguuvoq.

Kisianni mobiltelefon atorlugu assiliisaqattaartoqarsinnaavoq aamma, assilisallu appeq 'Mapillary' atorlugu ikkussuunneqarsinnaallutik.

Illoqarfiup assinga nutartigaq
- Illit innuttaasutut suliniut crowdsourcing nuannersoq pitsaasorlu peqataaffigerusukkukku taamaallaat apps aassavat aneeraangavillu assit ingerlaarterujoorlugit.

- Kommuneqarfitsinni najugaqarfinni tamaginni pissutsit kingullerpaarpaat takusassiarinerannut atorsinnaavarput, aamma ingerlatsivimminngaaniit ingerlaavartumik najugaqarfinnit misissuiffigisatsinnit assinik nutaanik ikkussuisarneq ingerlattuassavarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER