Sila
Nuuk aputissaaleqinngilaq
Qularnarunnaarpoq. Nuummiut januarimi aputeqarpallaarneranut naammagittaalliornissamut peqqutissaqarluarput.
Annonse
Nuuk pisarnermit tallimariaammik nittaannerusoq silasiortup Jesper Eriksen Danmarkimi silasiorfimmi Danmarks Metorologiske Institutimeersup qaammatip naalernerani naqissuserpaa. Taamaattumik aputissaaleqisoqannguarani.
Qaqortumi pisarnermit marloriaammik KNR malillugu nittaannerusimavoq. Aasiannilu sisamariaammik aputeqarnerulluni.
Tasiilamili naliginnaasumit annikinnermik nittangertarmat aputikinneruvoq.