Nuuk 100 mio. kr.-t sinnerlugit nalilimmik qatserisarfittaalersoq

Sanasut MT Højgaard Grønland Nuummi 2800 kvadratmeteritsinnerlugit angissusilimmik qatserisarfiliussaaq.

Nuummi qatserisartut Pukuffimmi kommunip entreprenøreqarfiata eqqaani qatserisarfimmik nutaarluinnarmik nutaaliaasunik atortulimmik sanasoqarnissaa qilanaarisinnaavaat.

Kommuneqarfik Sermersooq nittartakkamigut ilisimatitsivoq, qatserisarfissaq nutaaq 2800 kvadratmeterinit annertunerusoq marlunnik qulereeqassasoq, pitsaasunik sulisunut immikkoortortaqassasoq, garageqassasoq, biilinik asaasarfeqassasoq bilileriffeqassallunilu.

MT Højgaard Grønland qatserisarfimmik nutaamik 2022-mi maajip aallaqqaataani naammassillugu suliarineqartussamik sanaartussaaq.

Isumaqatigiissut 100 mio. kr.-t sinnilaarlugit nalilik

Kommunip ingerlatseqatigiiffiutaa Siorarsiorfik – Nuuk City Development nutaamik qatserisarfiliornissamut atatillugu suliarinnittussarsiuussisimavoq, pisortaanerullu Jens B. Frederiksenip ilisimatitsissutigaa, sanasutut ingerlatseqatigiiffiit marluk neqerooruteqarsimasut, tunniussinissamullu piumasaqaat naapertorlugu aningaasatigut akilerluarsinnaanerusoq toqqarneqarsimasoq.

Pisortap suliassamut akigitinneqarniartoq ilisimatitsissutigisinnaannginnerarpaa, MT Højgaard Grønlandimulli isumaqatigiissut 100 millioner koruunit sinnilaarlugit neqlartoq, Jens B. Frederiksenip Sermitsiaq.AG-mut oqaluttuaraa.

- Naatsorsuutigisimasatsinnut sanilliullugu akigitinniagaat ajunngilaq, Jens B. Frederiksen sanaartornerup qanoq ingerlanera apeqqutaalluni sanaartornerup akisunerulersinnaaneranik erseqqissaasoq oqarpoq.

Borgmesterip inissisimaffissaa nuannaarutigigaa

Qatserisarfiup inissisimaffissaa nutaaq Nuup qeqqanut ungasinnerusunngorlugu inissinneqassaaq, assersuutigaluguli illoqarfiup immikkoortortaanut Qinngutsinnut qaninnerulissaaq.

Borgmesteri naapertorlugu, qatserisarfiup inissimaffissaata qulakkeerinneqataaffigissavaa Nuummi tamarmi - illoqarfiup immikkoortortassaa Siorarsiorfik ilanngullugu - pisoqartillugu pilertornerusumik apuuttarnissaq:

- Illoqarfiup qeqqani - innuttaasunullu qanittumi inissisimasumik, nutaaliaasumik siunissamullu qulakkiikkamik qatserisarfeqalernissarput nuannaarutigaara, borgmesteri Charlotte Ludvigsen (IA) oqarpoq.

Borgmesterip aamma nuannaarutigaa, sulisut kajumissutsiminnillu qatserisartut Nuummi kommunimi upalungaarsimanermik suliaqarnissamut pitsaanerusunik atugassaqartinneqalernissaat.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS