Nuugaatsiami tassaarsuarmit eqqugaasoq katsorsarneqarnissamut suli pisariaqartitsivoq
2017-mi tassaarsuaqarnerani Nuugaatsiap eqqungaarujussuarneranit misigisat sakkortuut suli puttallartarput. Qaangiiniarnermi oqaloqateqarnissamut periarfissat siornatigut Nuugaatsiami Illorsuarnilu nunaqarfimmi aqutsisuni siulittaasup sullugai
Qaqqap sisoorujussuarnerata kingunerisaanik tassaarsuaqarnerani malissuit Nuugaatsiamut qaararneranniit ukiut pingajuat affaq qaangiuppoq pisorlu inuit sisamat ajunaarnerannik kinguneqarpoq.
Sulilu aalisartup piniartullu Karl Peter Møllerip Nuugaatsiameersup ajunaarnersuarmi misigisani kingunerlutsittarpai, tamanna aviisimut AG-mut oqaluttuaraa.
- Taamanikkut misigisat suli eqqarsaatini initusarput, naak taamatut pisoqarneranit sivitsoraluartoq. Qujanartumilli ullut taama ittut akuttornikuupput, taamaakkaluartoq misigisap sakkortuup katsorsaasumik oqaloqatiginnissutiginissaanik pisariaqartitsisaraluarpunga, Karl Peter Møller AG-mut oqaluttuarpoq.
Allaaserineqartoq aviisimi AG-mi tamakkiisumik atuaruk. Aviisi aqagu pingasunngornermi pisiniarfinni pisiarineqarsinnaalissaaq. Aviisi uani pisiarineqarsinnaalereerpoq: