Skip to main content

Nutsertarneq misissorneqassasoq

Nunatsinni nuttartarneq pillugu spørgeskemamik maajimi Naalakkersuisuit immersuisitsillutik misissuipput. 2017-lu aallartippat misissuineq nutaaq ingerlanneqassaaq

Sunaana pissutaalluni nuuttartugut? - Nunatta iluani nunarpulluunniit qimallugu?

Naalakkersuisut tamanna akissutiserusuppaat. Taamaammat maajimi spørgeskemamik nittartakkatigut innuttaasunit tamanit immersorneqarsinnaasumik apersuisoqarpoq.

Nunatsinni najugaqaannartoqarnissaa allamullu nuussimasut Nunatsinnut uteqqinnissaat misissuinermi siunertarineqarluni.

Atuaruk: Allamiut Kalaallit Nunaanniittut amerlanerusut

Tunuartinneqarpoq

Apersuineq 1.590-nit akineqarpoq. Apeqqutit inerneri nuna tamakkerlugu pilersaarusiami saqqummersinneqarput, taannali naluneqanngitsutut tunuartinneqaluni. Misissuinerli pissutaanani tunuartitsinermut.

Atorfittaarneq, ilinniarneq nutaanillu misigisassarsiorusunnerit nuuttarnermut pissutigineqartut akissutini atuarneqarsi

Ilaquttat qaninnerulerusunneri, ineqarneq pitsaanerusoq, atuarfiit pitsaanerit meeqqeriveqarfinnilu pitsaanermik periarfissaqarneq nuunnissamut pissutigineqartartut aamma ilagigaat akissutinit paasinarsilluni. 

Atuaruk: Ineriartorneq mumippoq - innuttaasut maanna amerleriarput

Misissuineq annertuneq

Apeqqutit assigiiaartunnarnik misissuineq ingerlanneqarsimammat nuuttarnermut pissuterpiaat ersersilluarneqanngillat.

Taamaammat misissuineq annertunerusoq aallartinneqartussanngorpoq. Taanna pingasunik immikkoortortaqassalluni: Nunatta naatsorsueqqissaartarfianit tigulaarineq, apeqqutinik immersuisitsineq takussutissaqarluartoq, inunnillu apersuinerit.

Misissuineq 2017-mi ukiup affaa siulleq piareerneqassasoq aningaasaqarnermut akileraartarnermullu naalakkersuisoqarfiup paasissutissiissutigaa. Aningaasaqarnermut naalakkersuisoqarfiup misissuineq suliarissavaa.

Taannalu aningaasaqarnermut naalakkersuisoqarfiup ingerlanneqarneranut aningaasaliissutinik 300.000 koruuninik aningaasartuuteqassalluni.

Atuaruk: Innuttaasut ukiuni 20-ni aatsaat taama ikitsigisut

Misissuineq

- Nunatsinni inunngornikut amerlasuut allamut nuuttartut nalunngilagut. Sunalu pissutaanersoq erseqqarissumik ilimanatigu. Misissuinermilu nuuttarnermi suna pissutaasarnersoq ilisimasaqarfiginerulissallugu naatsorsuutigaarput.

- Ilisimasallu nutaat aallaavigalugit inuit qanoq ililluta Kalaallit Nunaanni najugaqaannarsinnaanersut politikkikkut aalajangiinissamut atorsinnaassagigut neriuutigaara. Nunarpullu najornissaanut pitsaanerulersillugu, aningaasaqanermut akileraartarnermullu naalakkersuisoq Aqqaluaq B. Egede oqarpoq.

Kalaallit Nunaanni inunngortartut peeruttartunit amerlanerugaluartut inuiaqatigiit amerliartunngillat. Illuatungaanillu 2012-milu ikiliartoruusaarlutik. Kalaallit Nunaannit nuuttartut nunnittartunit amerlaneruneq pissutaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER