Nutaat pingasut tunillatsissimapput - uninngasut angerlartinneqarsimapput

Nunatsinni Nakorsaaneqarfiup arfininngornermi ilisimatitsissutigaa, Nuummi ullormi kingullermi tunillatsissimasunik nutaanik pingasunik nassaartoqarsimasoq.

Inuit marluk coronaviruseqarnertik pissutigalugu Nuummi uninngatinneqarsimapput, taakkuli marluullutik maanna angerlartinneqarsimapput.

Taamaalilluni sisamanngornermut tallimanngornermullu sanilliullugit tunillatsissimasut nutaat ikinnerupput, sisamanngornermi tallimanngornermilu tunillatsissimasut quliusimagamik.