Skip to main content

Nutaarsiassaqartitsivik internettikkut peqquserluffigeriarneqartoq

Internettikkut peqquserlunniartartut isumassarsiullaqqisut softwarepakkemut akiligassaq salloqittaat, Nutaarsiassaqartitsivik Sermitsiaq.AG-p siulersuisuinut ilaasortamit piniarneqarsimasutut allassimasoq, nassiuppaat. Suliassaq politiinut tunniunneqarpoq.

IT-kut aningaasatigut peqquserlunnernik akuttunngitsumik naammattuugaqartarpugut, inuttut ingerlatsivittullu.

Aviisi AG taama allappoq.

Peqquserluttartut inunnit aningaasanik arsaarinninniarlutik isussarsarsiullaqqinnersuat killissaqarpasinngingajappoq.

Amerlanerpaat mailsit saaffiginnissutillu, assersuutigalugu Nigeriami kunngip erneranit, kontunnut paasissutissannik tunniussiguit aningaasanik nassiusserusuttumeersut, ilaginnaannarneqartassasut ilikkarsimassagunarpaat.

Ajornakusoornakusoornerusinnaapput akiligassat, fakturat, uppernarpasissut, salloqittaataasulli.

Qanittukkut Nutaarsiassaqartitsivik Sermitsiaq.AG fakturamik ingerlatsivimmit »Sky Office World«-imeersumik nassinneqarpoq. Akiligassaq Den Erhvervsdrivende Fond Sermitsiaq.AG-mut nassiunneqarpoq, siulersuisuni ilaasortaq attaveqarfittut oqaatigalugu. Akiligassaq 905 euronik, tassa 7.600 koruunit missaannik, annertussuseqarpoq, tassagooq Office Packagemik (softwarepakke, aaqqiss.) taaneqartumik, »DATAFLEC CORPORATE OFFICE SUITE«-imik atilimmik, inniminniinermut akiligassaq.

Taamaallaat akiligassap kingullersaani naqinnernik mikinerpaanik allassimavoq pineqartoq tassaasoq neqeroorut, akiliinissarlu namminerluinnaq aalajangigassaasoq.

Internettikkut peqquserluttuliornerit pinaveersaartinniarlugit immikkut ilisimasallit Tysklandimeersut Norgemeersullu ukiap ingerlanerani ingerlatsivimmut tassungarpiaq, Sky Office World-imut, mianersoqqussuteqarput.

Nutaarsiassaqartitsiviup akiligassaq akilinngilaa, aningaasallu akilersinniarneqartut amerlasoorsuunngikkaluartut ingerlatsivinnit anginerusunit arajutsineqaratarsinnaapput.

Pisimasumi tassani Sermitsiaq.AG-p ingerlatsivik politiinut tunniuppaa, Nutaarsiassaqartitsiviup pisortaa Christian Schultz-Lorentzen taama paasissutissiivoq.

Aviisimi AG-mi allaaserisaq tamakkerlugu atuarsinnaavat. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER