Skip to main content

Nutaanik tunillatsittoqarsimanngilaq

Akunnerit 24-t kingulliit missaat nutaanik tunillatsissimasunik paasisaqartoqanngilaq. Nuummi meeqqeriviit ornittakkallu allat matoqqatinneqarallartut marlunngornermi ammassanersut suli nalunaarutigineqanngillat.

Nunatta nakorsaaneqarfiata kisitsisaataasa nutaat takutippaat nunatsinni tunillatsissimasunik nutaanik ataasinngornermi nassaartoqarsimanngitsoq.

Nuna tamakkerlugu tunillatsissimasutut nalunaarsorneqarsimasut maanna 54-iupput. Taakkunannga 15-it Qeqqata Kommunianiipput, 38-it Kommuneqarfik Sermersuumiillutik kiisalu ataaseq Avannaata Kommunianiilluni.

Nuummi tunillaassuuttoqalersoq

Nuummi meeqqerivik ornittakkallu arlallit tunillatsittoqargiusimasut sapaatip akunnerata siuliani paasineqarpoq. Atuarfinni USK-imi aamma ASK-imi atuaqatigiiaat katillugit sisamat angerlarsimaannaqquneqarput, meeqqerivik Timmiaaqqat aamma atuareernerup kingorna ornittakkat Illu aamma Narsarmiutaq matuneqarlutik, atuisullu angerlarsimaannaqquneqarlutik.

Angerlarsimaannaqquneqartut arlallit, ulluni arfineq-marlunni angerlarsimaannareerlutik ullumi ataasinngornermi misissorteqqissapput. Tuniluunneq qanoq annertutiginersoq imaluunniit meeqqeriviit atuareernerullu kingorna ornittakkat aqagu marlunngornermi ammaqqissanersut, ullumi nalunaarutigineqarnissaat naatsorsuutigineqarsinnaavoq.

LÆS OGSÅ: Nuummi atuarfimmi tunillatsissimasoqaqqittoq
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER