Nutaanik mittarfiliornissat paasisaqarfiginerukkit

Kalaallit Airports mittarfiliornissaq pillugu unnugu paasissutissiissaaq

Kalaallit Airports Nuummi nutaamik mittarfissualiornissamut pilersaarutit pillugit Katuami unnugu, pingasunngornermi, paasissutissiilluni ataatsimiititsissaaq. Sanaartornissaq innuttaasunut amerlasuunut illoqarfiullu ineriartorneranut sunniuteqartussaammat, amerlasuut takkunnissaat naatsorsuutigineqarpoq.

Sanaartornissamut pilersaarut oqallisaaqisoq

Nutaamik mittarfiliornissamut sanaartornissaq arlalippassuartigut illoqarfiup siunissaanut aalajangiisuusussaammat, sanaartornissaq inunnit amerlasuunit isummersorfigineqarpoq. Kingullertigut Nuummi innutaasut amerlanngitsut akerliussutsiminnik takutitsipput, taakku isumaqaramik mittarfiliassap sumiiffissaa eqqortuunngitsoq. Tamatumali kinguneranik pilersaarut unitsiinnarneqanngilaq. Aningaasalersornissaa aamma inissinneqangajalerpoq, soorlumi aamma suliariumannittussarsiuussineq aallartinneqareersoq.

Ilippanaatilerujussuaq akeqartussarli

Mittarfiup nutaap sanaartorneqarnera illoqarfimmut siunissami nutaarluinnarnik periarfissaqartitsilernissaa qularutissaanngilaq, tamannali aamma akeqassaaq. Illoqarfimmi innuttaasut sanaartorneqarnerata nalaani sunnerneqartussaapput, mittarfissarli atulerpat pissutsit assigiinngitsut aamma sunniuteqartussaallutik. Ilaatigut timmisartut anginerusut illoqarfiup qeqqanut millutillu qangattartalernissaannut nipit aamma mingutsitsineq sunniuteqartussaapput. Ilaatigut ujakkaartarfik sisorartarfillu sunnerneqartussaapput, taakkumi ilaat mittarfiup isumannaallisaaffigineqarnerata iluaniittussaammata.

Umiarsuit takornariartaatit kissaateqartut

Umiarsuaatileqatigiit arlallit aasap qaangiukkiartulernerani Nunatsinnut aqqusaartartut arlallit Nuuk ilaasuminnik taarsiiffissatut piukkullugu kissaatigisorujussuuaat. Taakku ilagaat Norgemeersoq Hurtigruten illoqarfimmi siunissamut pilersaarutinut tunngasunik Namminersorlutik Oqartussanut pimoorussilluni oqaloqatiginnereersimasoq. Mittarfissuassap takornariaqarnerulerneranik kinguneqarnissaa aamma Nuummi takuneqarsinnaalereerpoq, akunnittarfiliorlunimi sanaartornerit arlariit aallartinneqareersimalermata.

Sanaartornerup nalaani pisussat paasisaqarfigikkit

Aaqqissuussineq, Kalaallit Airportsip sanaartornermut tunngasunik paasissutissiinissaa, Katuami unnugu apriilip qulinganni, nal. 19:00 pisussaavoq. Nalunaaqqaarnissaq piumasaqaataanngilaq, inissalli qulakkeerniarlugu aggiaarit, aaqqissuussinermummi takkuttoqarluarnissaa naatsorsuutigineqarmat.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS