Nutaamik misiliiniarneq: Illut qammasissianik sananeqassapput
Siko Blochimik pilersitsisoq Jakob Knuden inunnik allanik marlunnik peqateqalerpoq, illunillu amerlanerusunik qammasissiat atorlugit sanaartortoqarnissaa pillugu kommunim Namminersorlutillu Oqartussanik oqaloqateqarluni
Siko Bloch, Narsami najugaqartoq, Narsarsuarmi timmisartoqarfimmik annaassiniarluni suliaqartunut ilaalernissaminik suliniuteqarpoq. Qammasissianik sanasartup ukiorpassuarni suliaqarsimanani, maanna nutaamik periarfissaqalernini takusinnaavaa.
Aviisi AG taamatut allappoq.
Qaqortoq 2023-mi mittarfittaarpat Narsarsuup atuutsiinnarneqarnissaata qanoq qulakkeerneqarsinnaanera pillugu oqalllittoqarsimaqaaq. Peqatigitillugu Ilulissani Nuummilu mittarfissat Narsarsuup atuutinnarnissaannut ulorianartorsiortitsipput.
Siko Blochimik pilersitsisup Jakob Knudsenip tunisassiorluni aallarteqqissinnaanini pillugu pisortani oqartussat assigiinngitsut maanna oqaloqatigisarpai.
Aserfallatsaaliuineq akikinnerusoq
- Qisuit atorlugit nalinginnaasumik sanaartortarnermut sanilliullugu qammasissiat Siko Blochimeersut atorneqassappata kvadratmeterimut akigititaq akisunerussaaq. Piffissarli ungasinnerusoq eqqarsaatigalugu tamanna akikinnerulertussaavoq. Narsarsuarmi 1994-imi illuliorsimavugut, illu taanna, illunut allanut taamatut angissusilinnut dieselimik ukiumut 420 liiterinik atuisartunut sanilliullugu ukiumut 92 liiterinik atuisarpoq, Jakob Knudsen oqaluttuarpoq.