Skip to main content

Nutaamik isumaqatigiissuteqarnikkut Naalagaaffeqatigiinni sinaakkutit annertusineqarput

USA-p Kalaallillu Nunaata suleaatigiinnerunissaq pillugu nutaamik isumaqatigiissuteqarnerisigut, Naalagaaffeqatigiinnerup iluani Kalaallit Nunaata kiffaanngissuseqarnerunissaa tunngavissinneqarpoq. Taamatut isumaqarpoq Nunanut allanut Naalakkersuisoq Steen Lynge.

Naalakkersuisut Steen Lyngep Kim Kielsenillu USA-mik suleqateqarnerunissamik isumaqatigiissut nutaaq pingasunngormat saqqummiuppaat, isumaqatigiissut Kielsenimit USA-llu Naalagaaffeqatigiinni Ambassadøriannit Carla Sandsimit atsiorneqarsimavoq.

Atsiorsimanerit isumaqatigiissummilu oqaasertaliunneqartut pingaaruteqarnerat Steen Lyngep Sermitsiaq.AG-mut erseqqissaassutigaa.

-Kalaallit Nunaanni innuttaasunut pingaaruteqarpoq, Naalagaaffeqatigiinni iliuuseqarnissamut susassaqarfinnillu angerlaassinissamut kiffaanngissuseqarluta suliaqarsinnaanitsinnut periarfissinneqarneqarnerput, taanna oqarpoq.

2017-imi ajornartorsiorsimaneq

Niuernermut susassaqarfik angerlaanneqareeraluartoq maannamut unammillernartoqartarsimavoq, Steen Lynge oqarpoq.

- 2017-imi Kalaallit Nunaat, Savalimmiut Islandilu susassaqarfinni angerlaanneqarsimasuni assigiinngitsuni suleqatigiinnerunissamik siunnerfeqarlutik nalunaaruteqarput. Siunnerfigineqartoq Danmarkimit piumasarineqartut pissutigalugit atorsinnaannginnerarlugu itigartitsissutigineqarpoq, Steen Lynge oqaluttuarpoq.

Isumaqatigiissut 2017-imi aggustusip qaammataani atsiorneqartoq, taamanikkut nunanut allanut ministeriusoq Anders Samuelsen naapertorlugu tunngaviusumik inatsimmut toqqaannartumik akerliuvoq, Islandimut isumaqatigiissutaanera, taamalu Danmarkip suli akisussaaffigisaanik nunanut allanut politikkeqarnermut attuumassuteqarnera pissutigalugit.

Maannali isumaqatigiissutaasoq nutaaq aqqutigalugu, Danmarkimi naalakkersuisut nunanut allanut politikkikkut periuseqartarnerat allanngortinneqartoq, Steen Lynge isumaqarpoq.

- Isumaqatigiissut manna aqqutigalugu taamatut suleriuseqarneq qimanneqarpoq, Kalaallillu Nunaatta siunissami kiffaanngissuseqarnerulluni nunanik allanik isumaqatigiissusiorsinnaanera tunngavissinneqarluni, taanna oqarpoq

Danmarki isumaqatigiissuteqarfigeqqaarlugu suli isumaqatigiissuteqartartussaagaluarluta, isumaqatigiissummi allassimavoq, Kalaallit Nunaanni Naalakkersuisut USA-lu isumaqatigiissuteqarsimasut.

Siusinnerusukkut taamatut isumaqatigiissuterqarnermi allassimasarpoq: Kalaallit Nunaat sinnerlugu Kunngeqarfik Danmarki. Isumaqatigiissummi oqaasertaliunneqarsimasut Naalagaaffeqatigiinni sinaakkutaasartunik ineriartortitsinerupput.

Inerniliunneqarsinnaavoq, Danmarkimi naalakkersuisut Kalaallit Nunaata isumaqatigiissut aqqutigalugu taamatut nutaamik periarfissaqalernera akuersaarsimagaat.

Steen Lyngellu tamanna nuannaarutigaa.

- Tamanna pingaaruteqarluinnarpoq, 2017-imimi pisoq illuatungeriit akornanni paaseqatigiissinnaanermut iluaqutaanngimmat. Inatsisit atuuttut iluini kiffaanngissuseqaluni iliuuseqarsinnaaneq assigiinngitsumik paasineqartarpat, Naalagaaffeqatigiinni ataqatigiinneq ajornerulissaaq, taanna naggasiilluni oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER