assit takukkit
Nutaaliornermi unammisitsinermi ajugaasut aajuku
Sisamanngormat Nuuk Centerimi nutaaliornermik unammisitsisoqarpoq.
Imeq ajunngitsutigut ajortutigullu ukioq manna nutaaliornermi unammisitsisoqarnerani samineqarpoq. Sisamanngormat meeqqat ilinniartullu Nuuk Centerimi unammipput.
Unammisitsineq ’Projekt edison’ –mik atserneqarsimavoq, unammisullu ukioqatiigiiarlutik agguataarneqarlutik.
Aajuku ajugaasut:
- 4. Klasse Hold 1 Atuarfik Hans Lynge-meersut.
- Projekt Edison-imi 7.-8. klassini Team AfriQUA Atuarfik Hans Lynge-meersut ajugaapput
- Inuusut ilinniarfiini ilinniartuni IE-mi atuartut Niuernermik ilinniarfimmeersut ajugaapput.
- Ilinniarfinni ingerlariaqqiffiusini AU-mi ingerlatinermik teknologimillu ilinniagaqartut Niuernermik ilinniarfimmeersut ajugaapput
8.a, Team Afri(qua), Atuarfik Hans Lynge-meersut ajugaasut sisamat iluanni ajugaasuupput, taamaasillutillu Danmarkimi unammersuaarnermi Danish Entreprenurship awardimi Fredericiami novembarip 16-ani peqataasussanngorlutik, Kommuneqarfik Sermersooq nittartakkamini taamak allappoq.
Ajugaasut ajugaassutertik ukioq 2017 aallartimmalli aallutilersimavaat, klassemi ilinniartitsisortik peqatigalugu skemaminni sammisaqartarsimapput, taamaasillutillu imeq pillugu ilisimasaqarlualersimallutik. Taakkulu afrikami imermik amigaateqartut ikiorusullugit nutaaliorsimapput.
Suliaq Team Afri(qua)-kkut suliarisaat marrarmiit qanoq imermik atuisinnaanermut tunngavoq.maskinamik imermik marrarmit milluaasartumik taamatullu saliisartumik pilersitserusupput, sumiiffiillu imermik amigaateqarfiusut taamaasillutik ikiorniarlugit.
Unammisitsinermit assit ataani takukkit: