Arctic Winter Games
Nunavuup tapiissuteqarnera AWG2016-mit nuannaarutigineqarpoq
Ishockeymik unammisarfiup AWG2016-mi atorneqarnissaanut isumaqatigiissuteqartoqarpoq
AWG2016-ip allaffeqarfianeersut ulluni makkunani Nunavut illoqarfiisa pingaarnersaanni Iqalunniipput, tassanilu sisamanngornermi Iqaluit illoqarfiata sikumi arsaarartarfiisa AWG2016-imit atorneqarsinnaaneri pillugit tapersiilluni isumaqatigiissummik atsioqatigiittoqarluni.
Isumaqatigiissut 88.000 koriininit sinnerlugit naleqarpoq taamaalillunilu Iqaluit tapersersuisutut Aqissimik taaguuserneqarsimasutut inissippoq. Tamatuma saniatigut Nunavut Naalaakkersuisuisa Iqalunni atuarfiit akeqanngitsumik AWG2016-mut atukkiunnissaat akuersaarpaat. Atuarfiit unnuisarfittut aaqqissuussanullu allanut AWG2016-ip ataani ingerlanneqartussanut atorneqassapput, AWG2016-p allattoqarfianit nalunaarutigineqarpoq.
- Iqalunni suleqatigiinnermut annertuumik tapersersuisoqarnera malugivarput, amerlasuunillu eqqaamaneqarluarpoq 2002-mi Nunavut Nunattalu peqatigiillutik aaqqissuisuusimaneranni misilittagaqarfiulluartut, General Manager Maliina Abelsen tusagassiutinut nalunaarummi oqarpoq.
Naalakkersuisunik kommunalbestyresimillu isumaqatigiissusiornerit saniasigut AWG2016-ip ataatsimeeqatigai Iqalunni sikumi arsaarartartut peqatigiiffiat, kultoorikkut suliniuteqartut, tusagassiorfiit, peqatigiiffiit, tapersersuerusussinnaasut suleqatissallu.
AWG2016-imi timersuutit 15-t unammiuaarfiussapput. Taakkunannga 14-t Nuummi ingerlanneqassapput, taamaallaallu sikumi arsaararneq Iqalunni ingerlanneqassalluni.