Nunavummi piniartoq nannumit toqunneqartoq

Silaannaap allanngoriartornera ilutigalugu nannut inunnut saassussisartut amerleriassasut biologinit ilimagineqarpoq

Nanoq, Isbjørn, sommeren 2014, Aappilattoq

Canadap avannaani White Islandimi angut piniartoq aavartilluni qilaluganniartillunilu nannumit saassunneqareernermi kingorna toqukkut qimaguppoq.

Canadami ukioq manna nannumit saassunneqareernermi kingorna toqukkut kimaguttuuvoq,

Toqutaasup ilagisaa aamma saassunneqarpoq, qujanartumik annalluni, pingajuat ajoqqusinngitsoq.

Sapaatiummat taakku maqaasineqalerput, ujaasinerlu aallartilluni. Annaassinianit White Islandimiittut nassaarineqarput.

Kingullermik juulimi inuk nannumit saassutsereernermi kingorna toqukkut qimaguppoq. Nannut saassussisarneri qaqutigoorput, kisianni siunissami amerlanerulernissaat ernumassutigineqarpoq.

Tamanna silaannaap kissakkiartulernera pissutaavoq, tassami siku aajaarnerusalernikuuvoq, nannut nunamut nerisassaminnik ujaasinerusalersimapput.

Nannut saassussisarnerat akulikinnerulissasoq biologinit ernumagineqarpoq.

Powered by Labrador CMS