uulia
Nunatta uuliasiornissaa taamaateqqullugu Greenpeace kaammaatuuteqartoq
Nunatta atortussianut uulianulli pilersaarutaa 2018-ip naalerneranut killeqarput. Pilersaarummilu anguniakkat suli maannamut anguneqarsimanngillat. Taamaammat pilersaarutit 2018-mi qaangiuteriarpata uuliasiornissamik pilersaarutit taamaatinneqarnissaannik Greenpeace nunatsinnut kaammattuuteqarpoq.
- Kalaallit Nunaata uuliamut pilersaarutaa avatagiisitigut aningaasaqarnikkulli aqqutissaanngilaq.
Taama isumaqarpoq avatagiisinik suliniaqatigiiffik Greenpeace, Aatsitassanut Naalakkersuisup, Muté Bourup Egedep (IA), sapaatip akunnerata siuliani Londonimi nittarsaassinermi, ingerlatitseqatigiiffiit Nunatsinni uuliasiornissaanik kaammaattuuteqarnerata kingorna.
Naapeqatigiinnermi siunertaavoq uuliasiortitseqatigiiffiit ukioq manna Qimusseriarsuarmi aappaanilu Davis Strædimi misissuinissamik akuersissuteqartoqarnissaa.
Atuaruk: Múte B. Egede aatsitassalerinermi misigisassarsiorusuttoq
Uuliasiornissaq soqutigineqanngitsoq
Naapeqatigiinnermilu paasinarsikannerpoq sinerissap avataani akuersissutigineqarsimasut pioreersut tamarmik tunniutiinnarfigisimagaat, taamaasillutillu uuliasiortitseqatigiiffinnit akuersissutit Namminersorlutik Oqartussanut uternialikkersaaraat.
- Kalaalit Nunaanni uuliasiornissaq annertuumik soqutigineqanngikkallarpoq. Qillerineq kingulleq 2011-mi pivoq, maannalu aamma malunnarpoq uuliasiortitseqatigiiffiit sinerissap avataani piiaanissamut akuersissutit utertinnialeraat. Apeqqutaalluinnalerporli, Kalaallit Nunaani uuliasiornissaq imminut akilersinnaanersoq, Sune Scheller, Greenpeace-mi projektlederi taama oqarpoq.
Kalaallit Nunaata atortussianut uuliamulli pilersaarutai 2018-ip naalerneranut killeqarput. Pilersaarummilu anguniakkat suli maannamut anguneqarsimanngillat.
Atuaruk: Muté uuliasiortitseqatigiiffissuit Nunatsinnukartikkusukkai
Greenpeace: Uuliasiorneq unitsilli
Taamaammat pilersaarutit 2018-mi qaangiuteriarpata uuliasiornissamik pilersaarutit taamaatinneqarnissaannik Greenpeace nunatsinnut kaammattuuteqarpoq.
Uuliammi akii 2014-mi apparujussuarput, aammalu ullumikkut Kalaallit Nunaani uuliasiornissaq imminut akilersinnaanngilaq.
Atuaruk: Trumpip issittumi uuliasiorluni qillerinerit ammaanniarai
- Aamma uuliat akii aatsaat taama eqqoriagassaanngitsigalutik nikerarujussuarput, ukiunilu makkunani annertuumik maluginiagassaavoq, ataavartumik nukissiorfiit uuliap piumaneqassusaanut annikillileerujussuarsimanera, aammalu Paris-imi silap pissusia pillugu isumaqatigiissusiortoqarnikuulluni. Taamaammat tamannga tunngavingalugu Naalakkersuisut Kalaallit Nunaatalu uuliasiornissaq qularnartoq ingerlatiinnarniarneraat, imaluunniit aningaasat piffissarlu allamut atorusunneraat?, taanna aperivoq.
Uuliasiortoqaannassappat silap pissusia pillugu Paris-imi isumaqatigiissummut akerliusoq, taanna erseqqissaavoq.
Atuaruk: Tunup Avannaarsuani avatangiisini ilisimasassarsiornissamut pilersaarut aallartilerpoq