Skip to main content

Nunatta siunissaa pillugu filmi oqallisissiaq Ummannami takutinneqassaaq

Kalaallit Nunaata namminersulernissaa pillugu Ilinniagaqartut pingasut suliniutaat illoqarfinni arlalinni oqaluuserineqareerpoq

Filmi piviusulersaarut kiisalu suliniut ´Kalaallit Nunaata siunissaa´ arfininngorpat unnukkut Uummannami takutinneqarlunilu oqallisigineqassaaq, tamannalu pissaaq Edvard Kruse-p Atuarfiani nalunaaqutaq 19.30.

Aaqqissuussineq tamanna takutseqattaareernerup kingullersarissavaat, filmi aamma Sisimiuni, Nuummi, Qaqortumi Ilulissanilu takutinneqarlunilu oqaluuserineqareersimammat.

Ilinniagaqartut suliniutaat
Sisimiuni GUX-imi ilinniagaqartut pingasut filmiliorlutillu suliniut tamaat suliarisimavaat, tassuunakkullu siunertarineqarsimavoq Kalaallit Nunaata siunissaanik qilersorsimanngitsumik oqallitsitsilernissaq - minnerunngitsumik namminersulernissaq pillugu.

Oqallinneq peqataaffiulluartoq
Filmi piviusulersaarummi politikerit misilittagartuut, qinersisartut inuusuttut kiisalu eqqumiitsuliortut inuussutissarsiortullu Kalaallit Nunaata nunarsuarmiooqataaneranik - kiisalu Kalaallit Nunaata namminersulersinnaaneranik isummersortinneqarput.

Ileqqut
Filmimi piviusulersaarummi minutsinik 45-nik sivisussusilimmi politikki samineqaannanngilaq, aammattaarli eqqumiitsuliorneq kiisalu kalaallit ileqqutoqaat, ilinniagaqartut pingasut erseqqissaapput.

Taakkua tassaapput Kaaleeraq Møller Andersen, suliniummut akisussaasoq, Ujuunnguaq Tønnesen kiisalu Ivalu Brummerstedt.

Filmip pviusulersaarutip ilamernga ataani takujuk


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER