KL

DK

Nunatta puigorsimavaatigut

Imminiiginnarneqarpugut. Allaammi Danmarkimut qimaasut uatsinnit pitsaanerusumik pineqartarput, Anaana Hanne, Aarhusimi najugalik taama isumaqarpoq

Saamerlermit Jens Kristian ukiuni pingasuni Danmarkimi najugaqarsimavoq. Taanna Qaqortumeersuuvoq. Ane Løvstrøm ukiuni 19-ini Danmarkimi najugaqarsimavoq, taanna Narsameersuuvoq. Tanja Nielsen Aarhusimi Kalaallit illuutaani pisortaq. Anaana Hanne, Karla Knudsen, Gert Knudsen Nuummeersut Danmarkimi feeriartut. Orpiullu eqqaaniilluni Aqqa Simonsen, Danmarkimi ukiuni qulini najugaqarsimasoq.
Aaqqissuisoqarfik

’Naapiffik’ matoqqammat Tangkrogenimukarpugut.

Aarhusimi Kalkværksvejikkooraanni aqqusernup naanerani Naapiffimmi matu matoqqasoq siumugassaavoq, allagarsiinikkut matoqqanera nalunaarneqarsimalluni, asuliinnarli tamaanganngilagut, tassami biili illuanut saatikkaanni pisuinnaat aqqutaata tungaanut ingerlagaanni Aarhusimi Tangkrogen tikittariaqarmat. Aarhusimi kalaallit illuutaanni pisortaq, Tanja Nielsen, ullormi pineqartumi AG peqatigalugu ’aqqusinermi sullissassanik ujaasisutut’ suleqataavoq.

Naapikkusutavut tassaagamik sullinniakkat Isumaginninnermut Aqutsisoqarfimmit 12 millionit koruuninik aningaasaliiffigineqartut (allaaserisaq alla takuuk, aaqq.) taakkumi atorlugit kalaallit sullinneqartariaqalersut ’isumaginninnikkut ikiortariaqartunik taaneqartartut’ sullinneqartussaammata.

Taaguut tamanna atorneqartarpoq, inuit eqimattat, inuiaqatigiit avammut killinganni inuusut pineqartillugit, tassa inooqatigiinnikkut aningaasarsiornikkullu atukkat pineqartillugit, taakkununngali ataatsimoorutaasarluni eqimattat taakku inuiaqatigiinni allatulli isumalluutissaqanngimmata.

Uteqattaartuartoq

Kalaallit 30-40-t ullut tamaasa Naapiffimmiittarput. Naapiffik Aarhusimi Kirkens Korshærimit Aarhus Kommune suleqatigalugu ingerlatarineqarpoq, pingaarnertullu kalaallinit atugarliortunit ornittagarineqarluni. Kalaallit Illutaanni sulisoq aamma tamaani suleqataavoq, aamma Isumaginninnermut Aqutsisoqarfimmit aningaasaliissutit aningaasaliissutigineqartut atorlugit kalaallit immikkut ittumik sullinneqartariaqartut, atornerluisutut inuunerminnit qaangiisinniarlugit immikkut suliniuteqarfigineqassapput immaqalu angerlarsimaffeqanngitsumik inissiamut inissaqalersitsinikkut pitsaanerusumik inuuneqartoqarsinnaalissalluni.

- Eqimattalli taakku sullinniarnerat ajornakusoortuuvoq, taakkumi tassaagajummata ajoquserneqarnerminnik kingunerlutsitsisut, misigissutsimik kingunerannik imigassamik atuisuusut, avataaniillu isigalugu ajortoq uteqattaartuartuulluni unitsinniarneralu ilungersunartuulluni, Tanja Nielsen oqarpoq.

Allaaserisap sinnera AG-mi uani sapaatip-akunneraneersumi atuaruk, uani tassunga isissutissarsisinnaavutit:

nunanit allanit inuiagatigiit
Powered by Labrador CMS