Skip to main content

Nunatta nakorsaanera: Pituffimmi tunillatseqqittoqarpoq

Pituffimmi coronavirusimik tunillatseqqittoqarpoq. Tunillatsittoq Pituffimmi tunillatsissimanissaa naatsorsuutigineqarpoq. Qanorpiarlu tunillatsissimanersoq Nunatta nakorsaanerata ilisimanngikkallarlugu oqaatigaa.

Thule Air Basemi Covid-19-imik tunillatseqqittoqarpoq. Tamanna Nunatta nakorsaanerata, Henrik L. Hansenip Sermitsiaq.AG-imut uppernarsarpaa. 

Marluk Covid-19-imik tunillatsissimasut tallimanngormat paasissutissiissutigineqarpoq. Ataaseq ulluni arfineq-marlunni mattusimareerluni misissortinnermi paasineqarpoq Covid-19-imik tunillatsissimasoq. Aappaalu Kangerlussuakkut Thule Air Basemukartoq siullermik misissortikkami tunillatsissimanngitsutut paasinersineqarpoq. Taamaakkaluartorlu Covid-19-imut ersiuteqaleramik misissorteqqippoq. Tunillanneqarsimasorlu paasineqarluni. 

- Coronamik tunillatsissimasut pingasuupput. Marluk siullermik paasineqartut USA-miit Thule Air Basemut nappaat eqquppaat. Tunillatsissimasoq kingulleq ersiuteqalernermini misissorteqqippoq. Maajillu 13-ani tunillatsissimasutut nalunaarfigineqarpoq, Henrik L. Hansen Sermitsiaq.AG-imut oqarpoq.

Tunillatsinneq suminngaaneerpa

Tunillatsissimasup pingajuat qanoq tunillatsissimanersoq suli paasineqanngitsoq Nunatta nakorsaanerata paasissutissiissutigaa. 

- Allanik tunillatsittoqarsimasinnaanera suli ilisimanngilarput. Nappaalanersuaqarnerani ataatsimiititaliap Kalaallit Nunaata iluaniit Thule Air Basemut angallannerit tamaasa matunikuuaat. Pituffiup avataani tunillaassuisoqarnissaa taamaammat annilaangassutigisariaqanngilaq. Pituffimmi tunillaassuineq tunillaassuinerup uninnissaata tungaanut qanimut malinnaaffigaarput, Henrik L. Hansen oqarpoq. 

Kalaallit 50-it missaaniitut Thule Air Basemi najugaqarput, taakkulu Kalaallit Nunaata akisussaaffigaat. Maleruaqqusallu sakkortuumik tallimanngormalli sukaterneqarnikuusut tunillatsissimasullu napparsimarujussuanngitsut, nakorsaanerup paasissutissiissutigaa. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER