Skip to main content

Nunatta isiginnaartitsisarfianiit immikkut juullimi isiginnaangassiaq

Nunatta Isiginnaartitsisarfiata ilaqutariinnut isiginnaagassiaa, Juulimaaq – Nannullu anersaava, massakkut nunatsinni isiginnaartitsissutigineqaqattaarpoq. Angalanerlu Nuummi immikkut juullimut isiginnaartitsinermik naggaserneqassaaq.

Nunatta Isiginnaartitsisarfiata isiginnaagassialiaa Juulimaaq – Nannullu Anersaava, massakkorpiaq nunatsinni angallanneqarpoq, Nuummeereerpoq, Maniitsumi, Aasianni Ilulissanilu. Kujammut massakkut angallanneqarpoq tamatuma kingorna
Juullip qaammataata Ulluisa 17´anni sapaammi ataasiaqqinneqassalluni.

- Naatsorsorsinnaavarpummi Nuummi ataasiaannarnermi isiginnaarumasut tamakkerneqarsinnaanngitsut sap.ak. naanerani ataatsimi isiginnaartitsisoqarsimappat, taamaattumik aaliangersimavugut ataasiaqqilaarniarlugu sapaat juullip qaammataata Ulluisa 17-ani, Isiginnaartitsisarfiup Pisortaa Susanne Andreasen, tusagassiuutinut nalunaarummi oqarpoq.

Orpinnut nissiaqqallu suaasaannut tunngassuteqanngitsoq

Juulimaaq ilaqutariinnut isiginnaagassiaavoq Bent Hallerip atuakkiaa ”Historien om Julemanden” aallaavigalugu sananeqarsimasoq, takorluuiguit orpinnut risengrødinullu tunngasuussasoq pakatsissaatit, isiginnaartitsisarfimmi pisortaq erseqqissaavoq.

- Tassani Ullukinnermut tunngavoq, ukiup unnuaasa sivisunersaat, Aassuutit takkunnerat seernup uteqqilerneranik kalerriiartorlutik. Eqqumeequteqarporli ilami seqineq uteqqinngilaq, meeqqat sapiitsut tamanna pillugu iliuuseqartariaqarput,  Susanne Andreasen oqarpoq.

Hjælp fra publikum

Angalanermi aqutsisup Manasse Berthelsenip oqaluttuaraa, isiginnaartitsisartut isiginnaartitsinerup nalaani ikiortariaqarsinnaanerat, isiginnaarianut erseqqissaatigineqartartoq. Qujanartumilli sumiiffinni tamaginni isiginnaariat akornanniittoqartuaannarpoq pikkusullutik oqaluttuamut pulallutik erinarsoqataanngikkunik illarlutik assigisaanilluunniit iliuuseqarlutik peqataasunik.

- Maniitsumi aturtunut nukarlernut isiginnaartitsigatta paasivarput mikivallaalaartut isiginnaagassiap ilaa sakkortoortaqalaarami. Sisimiut pigatta allanngortiallapparput, meeqqanut minnernut isiginnaartitsileratta, qullersuit ilaat ikumatiinnarlugit isiginnaartitsivugut, taamaalilluni tupannartortaa tupannarpallaarani, Manasse Berthelsen oqarpoq.

Isiginnaartitsisarfiup pisortaata oqaatigaa, Juulimaaq attortinnartoqarlunilu, tupannartoqarlunilu illarnartortaqartoq. Nuummi immikkut isiginnaartitseqqinneq Nunatta Isiginnaartitsisarfiani pissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER