Skip to main content

Nunatta Isiginnaartitsisarfia sinerissami angalaartoq

Una qaammat Nunatta Isiginnaartitsisarfiani ilinniartut sisamat isiginnaartitseqataasullu allat marluk isiginnaagassiamik nutaamik angalallutik takutitseqattaassapput

Nunatta Isiginnaartitsisarfia decemberip aallartilaarnerani Ilulissani, Aasianni, Sisimiuni, Qaqortumi aamma Nuummi isiginnaagassiaq Tunissut angallatissavaat, taanna oqaatsit marluk atorlugit ilaqutariinnut isiginnaagassiaavoq.

- Ilinniartut ilinniarnerminnut atatillugu isiginnaagassiamik angallataqartussaagamik, periarfissaq manna qilanaareqaat, oktoberimiilu isiginnaagassiaralugu aallartinnikuullutik Susanne Andreasen ilitsersuisoralugu, Ilinniarfimmi pisortaq Makka Kleist, tusagassiorfimmut nalunaarummi oqarpoq.

Canadamiumik suleqateqarneq
Maajimi juunimilu ilinniartut canadamiumit ilitsersuisartumit Ker Wellsimit, Primus Theatremik aamma Number Eleven Theatremik Canandami isiginnaartitsisartut gruppiinik angisuunik pilersitsisut ilaannit ilinniartinneqarput.

Ker Wellsip ilinniartitsinermini Grotowskijp Eugenio Barballu timi atornerullugu isiginnaartitsilioriaasii aallaavigivai.

Oqaluttuatoqqanik aallaavillit
Susanne Andreassen, januar 2016-miit Nunatta Isiginnaartitsisarfiani pisortanngortussaq, ilitsersuisoralugu, Lisbeth Poulsenilu atisaliortoralugu isiginnaagassiaq naammassineqarpoq.

Atuaruk: Nunatta Isiginnaartitsisarfiani pisortanngortussaq

Isiginnaagassiap Tunissutip aallaavigivaa oqaluttuaatitoqaq ‘Nuannaarnerup inunnut tunniunneqarnera’. Tassanilu oqaluttuarineqarpoq inuit nuannaarneq nalliuttorsiorneq nalugallaramikku inuunerat tassaasoq sulineq, nerineq sininnerlu.

Nuannaarnerup inunnut tunniunneqarnera
Ullulli arlaanni equmiitsumik pisoqarpoq. Ukaliatsiap nattoralik naapippaa, taannalu inunngorluni Ukaliatsiaq anaanaminukaallugu.

Taamaalilluni inuit tunissummik illernartumik tunineqarput.

Aamma atuaruk: Nunatta isiginnaartitsisarfiani siulersuisuni siulittaasoq: Nuutoqaq ineriartortinneqarli

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER