Skip to main content
DMI

Nunatta imartaani angalanerit qaammataasat qularnaannerulersippaat

Umiarsuit nioqqutinik Kalaallit Nunaannut tassanngaanniillu useqarlutik angalagaangata, qularneq annertusarpoq, sikullu inissisimanera pillugu paasissutissat nutaanngileriikkajuttarput. Maanna DMI, Danmarks Tekniske Universitet, DTU, aamma Harnvig Arctic & Maritime suleqatigiillutik imartani sikoqarluartuni angalaneq qularnaallisillugu pisariinnerulersinniarpaat, akulikinnerusunik sikup assinginik nassiussuisalerlutik. Innovationsfonden suliniummut 5 millionit koruuninik aningaasaliivoq.

Kalaallinut inuiaqatigiinnut sikup Kalaallit Nunaanni qanoq ingerlaartarneranut ilisimasat pingaaruteqarluinnarput.

Illoqarfiit nunaqarfiit sinersissamiipput, aalisarneq nunap pingaarnertut inuussutissarsiutigaa, nioqqutissat inuillu angallanneqarnerisa amerlanerpaartaat umiarsuarnik pisarput, eqqussuinerit avammullu niuernerit tamatigungajak imaatigut pisarput. Umiarsuit qularnaatsumik pisariitsumillu pissappat, angallavigisaannut paasissutissanik annertuumik pisariaqartitsisoqarpoq.

Imaani siku ingerlaartorujussuusarpoq. Allisarpoq, aattarpoq aamma sila, anori sarfarlu malillugit ingerlaartarpoq, taamaalillutik imartat ippassaq angallaviusinnaasut ullumikkut matoqqasinnaasarlutik.

Sikut assiliortorneranni pisut nutaat
Nunatta imartaani sumiiffinnut toqqakkanut sikup assiliartaanik saqqummiussisarpoq, kisianni teknologiimik periarfissat nutaat aamma qaammataasatigut paasissutissat maanna pitsaanerusumik akulikinnerusumillu atuisunut ullumimit sumiiffinnut amerlanerusunut paasissutissiisarnissamut ammaassipput. Siunissami siku pillugu paasissutissanik kiffartuussutit nunarsuarmi pitsaanerpaanissaat anguniagaavoq.

Innovationsfondenimit aningaasaliisoqarneratigut suliniummi suleqatigiit ASIP-ip maanna paasissutissarpassuit ilaatigut EU-p qaammataasaanni Sentinelini tamanit takuneqarsinnaasut atorluarniarpaat.

Qaammataasanit paasissutissat assinik suliarinnittarnermi periutsit nutaajunerpaat ilaat atorneqassapput, tassanilu qarasaasiat namminneq qaammataasat sikunik assilisaannik ilisarinnissinnaanngorlutik sungiusartassapput, taamaallillutillu sikup assingini saqqummiussisassallutik.

- Suliniummi qaammataasanit paasissutissat assigiinngilluinnartut ataatsimoortissavagut, taakku assinik suliarinnissummit misissorneqartassapput. Periuseq nutaaq siku pillugu paasissutissanik ullormut sisamariarluni sumiiffimmi ataatsimit saqqummiussisinnaassaaq. Tamanna atuisunit amerliartortunit pisariaqartitsinermut naammassinnissaaq. Innovationsfondenimit aningaasanik sikup assinginik pissutsit nutaat aallartissavagut, DMI-meersoq Matilde Brandt Kreiner, ASIP-imi suliniummik aqutsisoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER