Nunatta Eqqumiitsulianik Saqqummersitsivia aalajangiisuusumut killippoq: Maanna aningaasanik nassaarniartoqassaaq
Professori tusaamasaq ataqqineqartorlu Minik Rosing, katersugaasivimmilu pisortaasimasoq Lars Kærulf-Møller Nunatta Eqqumiitsulianik Saqqummersitsiviata akisuup sananeqarnissaanut aningaasaliisunik soqutiginnittunik nassaarniartussanngortinneqarput. Suliassaq annertooq, pingaaruteqartorujussuarli, taakkua oqarput.
Suliniut Nunatta Eqqumiitsulianik Saqqummersitsivia maanna siuarsarniarneqalerpoq, aviisi AG allappoq.
Illup malunnaatillip inissisimaffissaa ingerlanneqarnissaalu inissinneqareerput, piffissamilu aggersumi aningaasaateqarfinnik aamma/imaluunniit ingerlatsivinnik, sanaartugassarsuarmut 200 millioner koruuninik akilimmut aningaasaleeqataarusussinnaasunik, ujarlertoqalissaaq.
Qinupisaarneq
Nunatta Eqqumiitsulianik Saqqummersitsiviata siulersuisuisa ilaasortani marluk toqqarpai katersugaasivissamut aningaasanik pissarsiniartussatut.
Minik Rosing ilaatigut Statens Naturhistoriske Museumimut nutaamut 1 milliard koruunit sinnerlugit katersueqataasimavoq. Katersugaasivimmit tassani Zoologisk Museum, Geologisk Museum aamma Botanisk Museum katersorneqassapput, pilersaarutilu malillugit taanna 2023-imi sanallugu naammassineqassaq, missingersuusiorneqarsimavorlu 1,2 milliarder koruuninik akeqassasoq.
- Taamaattumik siusinnerusukkut qinnuuluumisaartareersimavunga, taanna aviisimut AG-imut erseqqissaavoq, nassuiaavorlu atorfimmi tassani pineqartoq sorpassuit ataatsikkut ingerlanniarnissaat:
- Suliassaq imaannaanngitsuuvoq. Suut tamaasa inissereertinnagit aningaasat pineqarsinnaanngillat. Neriorsuisoqareeraluartoq tamakkua suli aalajangiusimatinniagassaapput, allat suliniummut ilaarusunnerlutik suli isumaliutigigaat.
Allaaserisaq tamaat uani AG-mi atuaruk: