Skip to main content

Nunatta Eqqartuussivia dommerimik ataatsimik ilaneqassasoq

Nunatta Eqqartuussiviani sullissinermi piffissaq atorneqartartoq sivikillisinniarlugu, dommerimik ataatsimik ilasinissaq ukiuni pingasuni sulissutigineqareersoq maanna iluatsinneqarpoq.

Nunatta Eqqartuussivia juunip 15-iani dommerimik ataatsimik ilaneqassaaq. Kalaallit Nunaanni dommerissanik aalajangiisartut 2021-mi martsip 26-ani atofinitsitsisoqassasoq aalajangersimapput.

Dommerit ilanissaannik pilersaaruteqarneq naatsorsuutigisamit piffissaq sivisunerusoq atorlugu suliarineqarsimavoq. Ilasinissamik pilersaarut Folketingimi Aningaasaqarnermut Ataatismiititaliap 2018-imi aggustusip qaammataani akuerisimavaa, Kalaallilli Nunaanni eqqartuussisarnermut inatsit allanngorteqqaarneqartariaqarsimavoq, Inatsisinik atuutsitsinermut ministeeriaqarfiup Folketingimi Kalaallit Nunaannut ataatsimiititaliamut ilisimatitsissutitut allagaani tamanna atuarneqarsinnaavoq.

Allagarsiuteqqitaq

Eqqartuussisarnermut inatsimmut allannguutit 2020-mi januaarip aallaqqaataani atuutsinneqalerput dommeritullu atorfik inuttassarsiuunneqalerluni, dommerissanillu aalajangiisartut qinnuteqartut akornanni naleqquttumik piginnaasalimmik nassaarsinnaasimanngillat, taamaammallu aalajangertoqarsimalluni atorfik inuttassarsiuuteqqinneqassasoq.

Dommeriusinnaasumilli naleqquttumik maanna nassaartoqarsimavoq, taamalu sullissinermi piffissap atorneqartartup sivikillinissaata saniatigut Nunatta Eqqartuussiviata najukkani dommerit dommerinngorniallu piginnaasaannik qaffassaanissamik suliniuteqarnini annertusisinnaanngorlugu, ilisimatitsissutitut allakkiami atuarneqarsinnaavoq.

2018-imiit 2021-mut justitspulje aqqutigalugu 3,5 millioner koruuninik immikkoortitsisoqarsimavoq, kinguaattoornerli issutigalugu maanna naatsorsuutigineqarpoq, piffissami atuinissat 0,6 millioner koruuninik naleqassasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER