unioqqutitsilluni soraarsitsineq
Nunatta Eqqartuussivia aalajangeereersorlu: Pisuutitaajunnaarsinneqartoq oqiliallattorlu
Johanne Olsen soraarsitaagami eqqunngitsumik pineqarsimanerminik eqqartuussivimmit aamma ilalerneqarpoq: - Tamaviaarnarlunilu kiserliornarsimaqaaq, kisianni isumakkeerfigaakka, oqarpoq.
- Naqisimaneqanngitsumik oqaaseqarsinnaatitaaneq ajugaavoq.
Johanne Olsen, Qaasuitsup Kommunianit suliaqarfimmut pisortatut unioqqutitsisumik soraarsinneqarsimasoq, taama qisuariarnermini oqarpoq. Qaasuitsup Kommunia meeqqanut inuusuttuaqqanullu politikkeqannginnerarlugu aamma meeqqanut kulturimullu ataatsimiititaliaq pingaarnertut akisussaanerarlugu Facebookimi quppernermini allareersorlu suliffimminit 2015-imi soraarsitaavoq.
- Ingerlateqqqinneqarnissaa pisariaqarsimanngilaq
Nunatta Eqqartuussiviata kredsrettip 2016-imi aalajangiussaa sapaatip-akunnerata siuliani atuuttussanngortippaa. Qaasuitsup Kommunia kredsrettip aalajangiineranik Nunatta Eqqartuussivianut ingerlatitseqqittuusimavoq.
- Uanga tunginnit isigalugu suliap ingerlateqqqinneqarnissaa pisariaqarsimanngilaq. Kredsrettip aalajangiinera erseqqissorujussuuvoq suliallu ingerlateqqinneqarnera akileraartartut aningaasaataannik atuilussinnarneruvoq, Johanne Olsen oqarpoq.
Taamaattorli Nunatta Eqqartuussiviata unioqqutitsisumik soraarsitaasimaneranik nalileereersorlu taarsiivigineqarnissamik piumasaqaateqartoqarsinnaaneranut tunngasumik oqaaseqarusunngilaq.
Apersorneqarnerat tamaat AG-mi saqqummertumi kingullermi atuaruk. Aviisi akiliillutit uani ataani linki malillugu atuarsinnaavat: