Skip to main content

Nunatta Danmarkillu inuussutissarsiornikkut pissarsiffiusumik suleqatigiinnissaannik nalunaarusiaq aqqutissiuussivoq

Nalunaarusiami nutaami immikkoortut 12-t atorlugit kalaallit qallunaallu ingerlatsiviisa inuussutissarsiornikkut suleqatigiinnerat nukittorsarneqassaaq

– Qallunaat kalaallillu ingerlatsiviisa pingaartumik aatsitassarsiornermi takornariaqarnermilu suleqatigiinnerisa nukittorsarnissaanut periarfissagissaarpoq, Naalakkersuisut tusagassiorfinnut nalunaarutikkut allapput.

Taamatut nalunaaruteqarnermut pissutaavoq nalunaarusiaq nutaaq, tassuuna nunatsinni aatsitassarsiornermi takornariaqarnermilu ineriartornissamut periarfissaasinnaasut sammineqarlutik.

Nalunaarusiaq nunatsinni Inuussutissarsiornermut, Sulisartoqarnermut Niuernermullu Naalakkersuisoqarfiup Danmarkimilu Erhvervs- og Vækstministereqarfiup suliaritissimavaat.

Immikkoortut 12-t suleqatigiinnermik annertusaasussat

Nalunaarusiami immikkoortut 12-t nalunaarsorneqarsimapput, tamarmik immikkut qallunaat kalaallillu ingerlatsiviisa suleqatigiinnerannik nukittorsaasussat, siunertarallugu nunatsinni inuussutissarsiornerup aaqqissuussaaneranut eqaannerusumut peqataatitsinissaat, tusagassiorfinnut nalunaarummi allassimavoq.

Tamatuma saniatigut annertunerusumik suleqatigiilernikkut nunatta aningaasarsiornera, ullumikkut pingaartumik aalisakkanik tunngavilik, nutaamik ineriartortitsiffigeqataassaaq.

– Nalunaarusiap inerniliineri naammagisimaartorujussuuvakka. Ersarissunik inassuteqaateqarpoq, Danmarki Kalaallillu Nunaat siunissami siuariartornermik pilersitsinissamut ataatsimoorlutik qanoq isillutik ingerlatsiviutitta ingerlatsiniarnerat ajornannginnerulersissinnaaneraat, inuussutissarsiornermut, sulisartoqarnermut, niuernermut nunanullu allanut tunngasunut naalakkersuisoq Vittus Qujaukitsoq tusagasssiorfinnut nalunaarutikkut oqarpoq.

Danmarkimissaaq erhvervs- og vækstministerip Henrik Sass Larsenip kalaallit qallunaallu ingerlatsiviisa inuussutissarsiornikkut qaninnerusumik suleqatigiilernissaat qilanaaraa.

– Nalunaarusiami inassuteqaatit 12-it, Kalaallit Nunaanni inuussutissarsiornerup amerlanerusunut samminnilersinnissaanik pilersitsiniarnermut, aammalu kalaallit qallunaallu ingerlatsiviisa annertunerusumik suleqatigiilernissaannut, pingaaruteqarput, qallunaat erhvervs- og vækstministeriat Henrik Sass Larsen tusagassiorfinnut nalunaarut malillugu oqarpoq, nangillunilu:

– Suliniutini soorunami sammineqartariaqarput inuussutissarsiorfiit, siuariartornissamut ilimanaateqarnerpaat. Taamaattumik pitsaasuuvoq nalunaarusiap ersarissumik takutimmagu takornarinaqarnikkut aatsitassarsiornikkullu suleqatigiinnissaq periarfissagissaarnersaasoq, Henrik Sass Larsen oqarpoq.

Nalunaarusiaq tamaat atuarsinnaavat uani www.naalakkersuisut.gl

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER