Misiginneqatiginninneq
Nunatta Danmark peqatigalugu erfalasoq qiteqqusimatippaa
Namminersorlutik Oqartussat ataasinngornermi erfalasortik qiteqqusimatippaat Københavnimi sapaatip akunnerata naanerani peqqarniisaartoqarneranut, kiisalu pinerlineqartut ilaqutaalu misiginneqatiginiarlugit
Københavnimi saassussinermi eqqugaasut eqqaaniarlugit naalagaaffiup illutaani umiarsuaataanilu tamani erfalasoq ataasinngornermi qiteqqusimatinneqarpoq.
Namminersorlutik Oqartussat aamma erfalasumik qiteqqusimatitsipput.
- Naalakkersuisut demokratii saassullugu peqqarniisaarniarneq akerleraat. Taamaammat Danmarkimi oqartussat Savalimmiunilu Lagtingi peqatigalugit eqqugaasunut ilaqutaasunullu misiginneqataanerput eqqarsaatitsinniinnerallu takutinniarlugu qiteqqusimassuugut.
Taama Naalakkersuisut siulittaasuat, Siumumeersoq Kim Kielsen, tusagassiuutinut nalunaaruteqarluni ilisimatitsivoq.
- Demokratii aqqutigalugu pisinnaatitaaffipput, killiligaanani oqarsinnaatitaaneq, saassunneqarpoq. Qunusiarineqassanngilagut. Killiligaanata oqarsinnaatitaanerput nukittoqutigaarput, tamannalu illersussavarput - ataatsimoorluta, Kim Kielsen oqarpoq.
Atuaruk: Ataasinngorpat Danmarkimi erfalasoq qiteqqusimassaaq
Atuaruk: Naalakkersuisut peqqarniisaarniarneq akuerisinnaanngilaat
Takussutissaq: Københavnimi Politiit pasineqartoq imatut nassaaraat