Skip to main content

Nunatta assiliisuanut nersorinnissut

Jette Bangip inunngorneranit ukiut 100-unngornerannut atatillugu Milik publishing assinik atuakkiamik nuanneqisumik saqqummersitsivoq

Marlunngorpat februaarip 4-aanni assiliisoq Jette Bang 100-nik ukioqalissaqagaluarpoq. Tamanna naqiterisitsisarfiup milik publishing-ip malunnartinniarlugu ´ulloq eqqorlugu´ atuakkiaq ´Jette Bang - fra isbjørnens bug´ saqqummersissavaa, taannalu imaqarpoq assinik 85-inik kiisalu dvd-filmi Inuit, assiliisup 1940-mi Grønlands Styrelse sinnerlugu filmiliarisimasaa.
Atuakkiami, eskimologimit Leise Johnsenimit allanneqarsimasumi, oqaluttuarineqarpoq Jette Bang-iå inuunera angalaneralu, soorunami aamma ilanngullugit assilisarpassui nalissaqanngitsut, ullumikkut Arktisk Institut-imiittut.
1936-imi taamanikkut 22-nik ukiulik Jette Bang assilliisutut ilinniarsimaqqammerluni Nunatsinnut aallarpoq. Tamaani inuiaat allanartut assilineqartarnerat allaanerusumik tunngavilerpaa. Kalaallit Nunaat iluamik takutinneqartarsimanngitsoq oqaluttuaraa:: Arnanik, meeqqanik ulluinnarnilu inuunermik assilisanik.
Jette Bangip assilisai qaqutigoortumik qanilaarpasissuseqarput, assilisai tassaagaluarpata inuit, nunap ilaa imaluunniit angalanermi aallunneqartartut. Jette Bang pillugu oqartoqarsimavoq taassuma assilisamigut ´´kalaallit inuunerat uterteqqikkaa´ - nunasiaaunnaarnissaq ukiut qulikkaanik arlalinnik sioqqullugu.
Atuakkap saqqummersinneqarnera malunnartinneqassaaq marlunngorpat Katuap inersuaaraani nalunaaqutaq 16-imiit 18-imut kaffillierllunilu aliikkusersuisoqarneratigut. Tassami oqalugiassaaq borgmester Asii Chemnitz Narup, aliikkuersuissappullu Josef Lund Josefsen aamma Jim Milne. Nalunaaqutaq 19.00 Leise Johnsen Jette Bang pillugu oqalugiassaaq, naggataatigullu filmi Inuit takutinneqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER