Skip to main content

Nunatta Angalatitseqatigiiffiata angalaniartorpassuit annaagai

Takornariat 340-t angullugit amerlassusillit Kinameersut 2018-imi qaammatini kingullerni Nunatsinni angalasussaagaluarput. Angalanissaat 2019-imi upernaakkut pisussanngorlugu kinguartinneqarpoq. Maannalu Nunatta Angalatitsiviani pisortap Kinamiut angalaniartorpassuit taamaatiinnarpai. - Tamanna ilungersunalaarpoq, oqarpoq.

Sulisumut ataatsimut 22.000 koruunit missaat imaluunniit katillugit 7,4 millionit koruunit inuit 336-t takornariarfissaqqissumi Kalaallit Nunaanni sapaatip-akunnerani ataatsimi sulinngiffeqarnerannut atugassat. Taakku tassaapput Kinami suliffeqarfissuup Xingye Internationalip Nunatsinni takornarialerisunut aamma Danmarkimi takornariartitseqatigiiffimmut ataatsimut akiliutiginiagai, taamaalilluni suliffeqarfiup sulisuni, qullersani aamma niueqatigisartakkani akissarsiatut  taallugu Nunatsinni sapaatip-akunnerani ataatsimi sulinngiffeqartitsinermini akiliutiginiagai.

Takornariarpassuit eqimattanut agguataarlugit oktobarimi, novembarimi aamma decembarimi tikittussatut naatsorsuutigineqartut pillugit, Sermitsiami 2018-imi oktobarip qiteqqunnerani taama allappugut.  

Pissutsit ullumikkut allarluinnaapput. Kinamiut akunnittarfinniinnerit ilanngullugit angalanissamut inniminnigaat, kalaallit-qallunaallu takornariartitseqatigiiffiinit arlalinnit isumagineqartussat, ilaatigut tassaasunit Nunatta Angalatitseqatigiiffia aamma taassuma suleqatigisaannit tassaasunit Air Greenland, Ilulissani Hotel Arctic, Hotel Kangerlussuaq, umiarsuaatillit Arctic Umiaq Line, Albatros aamma World of Greenland, annaaneqarput.     

Angalanissaat aallaqqaammut 2019-imi upernaakkut pisussanngorlugit kinguartinneqarput. 

- Massakkut takusinnaasatsitut piviusunngorsinnaanavianngillat. Isumaqarpunga taamaatiinnarneqassasut. Tamanna ilungersunalaarpoq, Peter Bastrup, Nunatta Angalatitseqatigiiffiani pisortaq inniminniinernut iluatsitsisimagaluartoq oqarpoq.    

Pisortap pissutissaqarluartumik inniminniinerit iluatsissimanerat ukiarmi nuannaarutigigaluarpai.

Sunaliuna pissutigalugu Kinamiut takornariat 340-t missaanniittut tikinngitsoortussanngortut?

- Oqaatigisinnaanngilara. Inniminniinerit iluatsinngitsoornerat soorunami uggoraarput, Nunatta Angalatitsiviani pisortaq Peter Bastrup oqarpoq.  

Atuaqqigit...

Allaaserisaq Sermitsiameerpoq, tassani allaaserisat uku atuarsinnaavatit: 

  • Inuplanimi kinguaariit nikittut
  • Folketingimut ilaasortat nunatsinneersut misissuiffigineqalersut
  • Erik Jensen: Partii Naleqqap aarlerilersitsiniarnini nammineq akisussaaffigivaa

Uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER