Skip to main content

Nunatta aatsitassaanik sorsunneq pillugu atuagaq nutaaq

Naqiterisitsisarfik naapertorlugu ´Nukaakas kabale´ Kalaallit Nunaata aatsitassaanik pissaanilissuit pissarsiniarnerannik oqaluttuaavoq ulorianartoqarluinnartoq

Oqaluttualiat pissanganartuliat  aamma Nunatta aatsitassaatai soqutigisaraagit, taava immaqa eqqarsaatigisariaqarpat atuakkap nutaap ´Nukaakas kabale´ pisiarinissaa.
– Nukaakas kabale pissaanilissuit Kalaallit Nunaata aatsitassaataanik pissarsiniarnerannik oqaluttualiaavoq ulorianartoqarluinnartoq. Nunap ataanik sorsuutiginninnermi ileqqorissaarnerit suut tamarmik tunulliunneqarput - nunamilu kalaallit qallunaallu pissanganartorsiornerat sakkortusineqarpoq, Helle Vincentz-ip Caroline Kayser pillugu atuakkiaasa pissanganartuliat pingajuat pillugu naqiterisitsisarfik Rosinante allappoq.
´Nukaakas kabale´-p ilisaritinnerani allassimavoq:
"Qallunaaq-kalaaleq Nukaaka Nielsen sioorasaarneqartuarpoq. Kalaallit Nunaanni Aatsitassanut Pisortaqarfimmi pisortatut aalajangiisarpoq nunap ataani pisuussutit naleqarluartut kiap piiassanerai. Aalajangiineq tamanna nunarsuarmi pissaaneqarnerup oqimaaqatigiinneranik annertuumik sunniuteqarsinnaavoq. Taamaattumik kinaassutsiminik isertuussilluni mail-ikkut mianersoqquneqarami kinamiut akuereqqunagit tamanna politikkikkut akornusersuinertut isigiinnarpaa. Kinguninngua qanimut suleqataa toqutaavoq. Kinali kinamiut Kalaallit Nunaannut isitsaaliorniarlugit toqutserusussava? Aamma sooq mail-ertup Nukaaka qallunaarsuartut taavaa - qallunaapalaarsuaq isumaqartoq suut tamaasa pigalugit?
Nukaaka imminut erninilu pingasunik ukiulik illersornialeruttortoq arnaq niuertoq anguniagaqarluartoq misigisaqartarsimaqisorlu Caroline Kayser Nuummut tikippoq. Arnat taakkua marluk qanga ataatsimut atugarisimasaat politikkersornermi, toqutsinermi aningaasarpassuarnillu pissarsiniarnermi akulerunneqarput, Caroline-llu aliannaarsaarluni asasanilu feeriarneq puiguinnartariaqarpaa´.
´Nukaakas kabale´ naqiterisitsisarfimmit Rosinante-mut novembarip aallaqqaataani saqqummersinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER