Danmark
Nunatsinnut juullimi inuulluaqqusinermut inissat tamakkerneqartut
Julie Berthelsen ukioq manna tusarnaartitsisussat ilagaat
Nunatsinnut juullimi inuulluaqqusinermut, Julehilsen til Grønland, tv-ikkut aallakaatitassiamut peqataaniarluni bilitsimik qulakkeerinninniaraanni siusinaarluni pisiniapallattoqartariaqarpoq.
Aallakaatitassiamut bilitsinik tuniniaanerit oktobarip 28-anni aallartipput, maannalu nungunneqareerput, Musikkens Hus Aalborgimiittoq nittartakkamini ilisimatitsivoq, aaqqissuussaq ukioq manna tassani pissaaq.
Timm aamma Maria
Aaqqissuussamik Timm Vladimirip aamma Maria Motzfeldtip ukiut aappassaanneerlutik ingerlatsisuussapput.
Nunatsinnut juullimi inuulluaqqusineq DR-ip aallakaatitassiaanni pisoqaanersaasa ilagaat.
Assit takukkit: Odensemi Kalaallit Nunaannut juullimi inuulluaqqusineq
Decembarip pingajuanni
Aallakaatitassiaq arfininngornermi decembarip pingajuanni Aalborgimi koncerthusimi immiunneqassaaq, DR1-ikkut aamma KNR-ikkut juullilernerani aallakaatinneqassaaq. Kalaallit Nunaannut juullimut inuulluaqqusineq 1932-miilli DR-imi juullilernerani aallakaatinneqartarnera ileqquuvoq.
Small Time Giants
Timm Vladimirip unnummi ingerlatsisuussaaq, Maria Motzfeldtilu Nunatsinni pulaaqattaarluni ingerlatsisuussaaq. Unnummi tupaallannartoqartassaaq, Nunatsinni oqaluttuat aamma nipilersortorpassuit. Kalaallit erinarsoqatigiit Ikinngutigiit, Julie Berthelsen aamma nipilersoqatigiit rockertartut Small Time Giants tusarnaartitsissapput.
Assit takukkit: 83-issaa juullimi inuulluaqqusineq