Nunatsinnut biilit mingutsitsinngitsut
Kangerlussuup Sisimiullu akornanni ATV-nut aqqut angallannernut nutaanut periarfissanut Islandimilu biililiortunik suleqateqarnissamut ammaavoq.
- Sisimiut Kangerlussuullu akornanni ATV-nut aqqutitaamut angallatissamik ineriartortitsinissamik misiliisinnaakutsoorluta, Magnús Jónssonimit suliakkerneqarpugut.
Ari Anórsson Islandimi Keflavikimi kulturip illorsuata silataani nikorfasoq, suleqatinilu Islandimiu Sisimiuniittoq Magnús Jónsson, suliniummut aningaasaliisussarsissagunik biilinik misiliutinik pingasunik sanaartortussaq taama oqarpoq.
Aviisi AG taama allappoq.
Aningaasaliisartunit 50 procentit pissarsiariniassavaat, 50 procentillu aningaaserivimmit aningaasalersorneqarnissaat naatsorsuutigineqarpoq. Biilit metanolimik, tassa orpimmit sprittimik ingerlateqassapput, taamaalillutillu pinngortitamut mingutsitsinatillu ulorianaateqassanngillat.
Biilit Sisimiuni imeq illersorniarlugu killigititap iluatigut, assersuutigalugu biilit allat ingerlaffigisinnaanngisaatigut ingerlasinnaanngorlugit Naalakkersuisut akuersissuteqareerput.
Aviisimi AG-mi atuarnerusinnaavutit. Aviisi uani pissarsiariuk: