Nunatsinnit Champions Leaguemi peqataaqqaartoq
Arsaattartoq Asii Kleist Berthelsen Kalaallit Nunaanni siullersaalluni Champions Leaguemi unammeqataavoq. Fortuna Hjørrinngip FC Barcelonamut unamminerani unamminermi iserpoq.
17-nik ukiulik Asii Kleist Berthelsen unamminermi aatsaat taama angitigisumi unammeqataavoq.
Tassami Fortuna Hjørringip FC Barcelonamut Champions Leaguemi 75 minutsit unammereerneranni arsaaffimmut iserpoq.
Taamaasilluni Asii Kleist Berthelsen Nunatsinnit siullersaalluni Champions Leaguemi unammeqataavoq.
Fortuna Hjørringip arsaattarfiani, Hjørring Stadionimi, unammineq ingerlanneqarpoq ullumi pingasunngornermi.
FC Barcelona unamminermi 0-5-mik ajugaavoq, unamminermilu siullermi 0-4-mik ajugaareeramik, Champions Leaguemi kvartfinalimut ingerlaqqillutik.
Asii Kleist Berthelsen Nuummeersuuvoq, danskit U16-iisa nunanut allanut unammisartuinut unammeqataareerpoq, GIF-imit ukioq kingulleq timersullammattut toqqarneqarluni.