Nunatsinni uumasut mianerisassat allattorsimaffiat nutaaq
Nunatsinni uumasut mianerisassatut allattorsimaffiannik nutartikkamik Pinngortitaleriffik saqqummiussivoq. Uumassusillit katillugit 602-nik amerlassuseqartut mianerisassatut allattorsimaffimmik suliaqarnermi nalilersorneqarsimapput.
Kalaallit Nunaanni uumasut mianerisariallit allattorsimaffiat 2008-mi saqqummersinneqarpoq. Manna allattorsimaffik nutaaq aaqqissoqqitaq amerlanernillu imalik saqqummersinneqarpoq. Pinngortitaleriffik tusagassiuutinut nalunaarummi taama ilisimatitsivoq.
Uumassusilinni miluumasut 38-it, timmissat 66-it, aalisakkat imermi tarajoqanngitsumi uumasartut 3, pakkalukkat 5 naasullu assigiinngitsut 490-it katersorneqarsimapput.
Uumassusillit agguataarnerat assigiinngitsunik mianerisariaqartutut nalunaarsorneqarnerat imaappoq, miluumasut 19-it, timmissat 20-t, imermi tarajoqanngitsumi aalisagaq uumasoq ataaseq aammalu naasut 92-it assigiinngitsutigut mianerisariaqartuupput.
Nunatsinni uumasuni mianerisariaqarnerpaat tassaapput qasigissat, tassani nalunaarsuiffimmi qangali ilaareersut, aamma arfiviit arlaat.
Nalunaarsuiffiup siunertaa
Mianerisarialinnut allattorsimaffik suliaqarnikkut/ilisimatusarnikkut naliliiffigineqartut allattorsi- maffigaat, uumasut naasullu sumiiffinni nungutaasussatut/peeruttussatut inissisimasut nalunaarsuiffi- gineqarfigaat. Nalilersuinerit assigiinngitsunut arlalinnut agguaanneqarsinnaasarput, nunani tama- laani pinngortitamik illersuiniaqatigiiffiup kattuffissuata IUCN, International Union for Conserva- tion of nature aalajangersugai immikkoortiteriaatsit atorlugit aaqqissuussamik ingerlanneqartartoq.
- Mianerisassat allattorsimaffiata siunertaa Mianerisassat allattorsimaffiat eqqumaffiginnilersitsisussaavoq uumassusillillu assigiinngitsut qanoq inissisimanerannik takussutissaasussaalluni, Kalaallillu Nunaanni nungunneqarnissaminnut aarlerinartorsiortitaasut suunersut paasisaqarsinnaanngortussaavoq. Mianerisariallit allattorsimaffiat ingerlatsinermi Kalaallilu Nunaanni uumassut naasullu mianerineqarnissaannut, Pinngortitaleriffik allappoq.