ukiumut naatsorsuutit

Nunatsinni ujarassiortut aningaasaqarnikkut ingerlanerluttut

Nunaminerals 2013-imi 60,7 million koruuninik amigartooruteqarput, suliffeqarfiullu tamanna naatsorsuutigereersimavaa

Nunamineralsimi pisortaq Ole Christiansen 2013-imi novembarimi nunat avannarliit akornanni misissuisarnerminut nersornaasitinneqarpoq

Suliffeqarfik ilaatigut Namminersorlutik Oqartussanit piginneqataaffigineqartoq Nunaminerals akileraarutit suli ilanngaatiginagit 2013-imi 60,7 million koruuninik amigartooruteqarpoq, ukiup siuliani 15,5 million koruuninik amigartooruteqarpoq.

Suliffeqarfiup ukiumoortumik nalunaarutaani takuneqarsinnaavoq.

Amigartooqqinnissaq Nunamineralsimit naatsorsuutigineqareersimavoq, 2013-imi kvartalit pingajussaanni naatsorsuutigineqartut annikillisinneqarmata.

- Nunamineralsimi aningaasatigut 2013-imi ingerlaneq naatsorsuutigineqareerpoq, nalimmassaasoqareerneratigut 54 million koruuninik naleqarsimasoq 2013-imut amigartoornermut malunnaataasupilussuupput, suliffeqarfik allappoq.

Nunatta kujataani Nanortalik Gold Province-mi kuultinik misissuinissamut 15 million koruuninik aningaasaliisoqarpoq 2013-imi.

- Qeqertaasami aamma annikitsumik misissuisoqarpoq, Nunaminerals itisilivoq.

Saqqummiunneqartumi Nunaminerals ilaatigut nalunaaruteqarpoq Nanortalik Gold Province-mi kuultinik misissuinermi suliffeqarfiup oqaluttuarisaanerani aatsaat taama annertutigisumik kuultimik nassaarlutik.

Annertuumilli kuultimik nassaartoqaraluartoq suliffeqarfiup aningaasaqarnera annassinnaanngilaa, aningaasatigut killeqarneq pissutaalluni aningaasaliisoqaqqinnissaalu aamma pissutaalluni.

- Suliffeqarfik januaarimi Greenland Holding-imut aningaasanik atorpoq 3,5 million koruuninik, 2014-imullu naatsorsuutigineqartut aamma saqqummiunneqarlutik.

- Suliffeqarfiup ineriartorteqqinneqarnissaanut piareersimavugut, kuultimik annertuumik nassaartoqarneratigut neriulersitsivoq, ukiunilu tulliuttunu Vagar-imi piiaanissamut pisinnaatitsissummik pinikuulluta, siunissamilu suliffeqarfiup ineriartorteqqinneqarnissaa naatsorsuutigaarput.

Nunaminerals 2014-imi annertuumik aningaasaliiniarluni naatsorsuuteqarpoq. Naatsorsuutigineqarpoq 36 million koruunit anigaasaliinernut misissuinernullu atorneqassasut.

Powered by Labrador CMS