suliffissaaleqineq
Nunatsinni suliffissaaleqisut suli ikiliartorput
Februaarimi suliffissarsiortut siorna ukiup taamaalineranit ikinnerusut, Naatsorsueqqissaartarfimmi kisitsisit nutaat takutippaat
2016-imi februaarimi suliffissarsiortutut nalunaarsukkat 3.351-inik amerlassuseqarput, taakkunannga 512-it nunaqarfinniipput. Ukiup siuliani qaammammut februaarimut sanilliullugu suliffissarsiortut katillugit 734-nik ikinnerupput, nunaqarfinnilu suliffissarsiortut ikileriarnerat inunnik 555-inik amerlassuseqarput.
Naatsorsueqqissaartarfimmit kisitsisit nutaat tamanna takutippaat.
Suliffissarsiortut
Ukiut naapertorlugit angutit agguataarneqarneranni suliffissarsiortut amerlanersaat 20-24-llu akornanni ukioqarput. Nunaqarfinni angutit aamma 20-24-llu akornanni ukiullit amerlanerpaapput. Arnanilu aamma taamatut 20-24-llu akornanni ukiullit suliffissarsiortut amerlanersaapput.
Atuaruk: Illoqarfinni suliffissaaleqisut ikiliartorput
Suliffissarsiortut nalunaarsorneqarsimasut inuit kommunimut suliffissaaleqinermik ajornartorsiuteqarlutik saaffiginnittut kisinneqarnerisigut naatsorsugaapput. Inuk ataaseq qaammammi ataatsimi suliffissarsiortutut nalunaarsorneqartarpoq, qanorluunniit ulloq ataasinnaq qaammat tamakkerluguluunnit suliffissarsiorsimaguni.
Assip ataani tabelimi illit illoqarfinni imaluunniit nunaqarfinni qanoq inissisimasoqarnersoq takuuk