Nunatsinni sakkutuunik pilersitsisoqalersoq

Kalaallit Nunaanni nammineq kajumissuseq tunngavigalugu sakkutuunik hjemmeværnimut assingusunik Issittumi Sakkutooqarfimmut ikorfartuutaasussanik pilersitsiniarnermi pilersaarutit ilusinikkiartuaalerput. Taama kommandør John Boye Rasmussen, Issittumi Sakkutooqarfimmi pisortap tullia, paasissutissiivoq.

Kalaallit Nunaanni sakkutuut qimussimik alapernaarsuisoqatigiit Siriusip siulia, Den Nordøstgrønlandske Slædepatrulje, arfineq-pingasunik inuttaqarluni Sorsunnersuullu Kingulliup nalaani ukiuni 41-45-mi atuussimasoq pilersinneqarmalli, oqaluttuarisaanermi Kalaallit Nunaanni sakkutuut siullersarilissavaat.

– Sakkutuunik sillimmataasussanik, pissutsini ilungersunartuni Issittumi Sakkutooqarfimmut ikorfartuisuusartussanik, pisariaqartitsivugut. Maannakkorpiaq nalilersuinermik suliaqarpugut, Kalaallit Nunaanni sakkutuunik sillimmataasussanik immikkut ittunik pilersitsinermik kinguneqartussamik. Suut tamarmik neriuutigisatsitut ingerlappata 2021-p affaata aappaani sakkutuussarsiorluta aallartissinnaanngussaagut.

Kalaallit sakkutuut 120-t

– Nammineq kajumissutsimik sakkutuujusussat qassiunissaannik suli aalajangiussaqanngilagut, kisianni sunniuteqassappat aallarniutaasumik 120-nik amerlassuseqarnissaannik anguniagaq piviusorsiortuussagunarpoq.

Issittumi Sakkutooqarfik immikkut ittunik sillimatitanik sakkutuussamaateqereerpoq, kalaallinik qallunaanillu sillimatitatut sakkutuunik inuttaqartunik, pissutsini ilungersunartuni annaassiniarnernillu suliani annertuuni aggersarneqarsinnaasunik, ilaatigut Sirius-reservenik, Tunup Avannaarsuani Siriusip alapernaarsuisoqatigiviini siusinnerusukkut kiffartortuusimasunik. Sillimatitatut sakkutuut, siornatigut sakkutuutut sulereersimasut maannalu sakkutujuunngitsuni suliffeqartut, pineqarput.

Allaaserineqartoq aviisimi Sermitsiami tamakkiisumi atuaruk. Aviisi uani pisiarineqarsinnaavoq:

Sermitsiaq Uge 33 2020

Klik her for at læse