Nunatsinni politiit tallimanngornermi ulapaarsimapput
Nunatsinni sumiiffinni tamangajanni politiit unnuaq ulapaarsimapput. Sumiiffinnut arlalinnut politiit orniguttariaqarsimapput. Aammali Nuummiipput biilit assakartinneqarsimasut.
Annonse
Ukioq manna julefrokostit aallartiinnaqaar. Qaammatillu naanera tallimanngornerummat, politiit ulapinnerungaatsiarsimapput.
- Politiit nuna tamakkerlugu arfininngornerup unnuaani ulapingaatsiarput. Oqarsinnaanngilagut julefrokostit kisimik pissutaasut. Allarpassuit aamma pissutaasimasinnaapput, qaammammi naavoq akissarsiffiullunilu, Kalaallit Nunaanni Politiit pingaartuannit ilisimatitsivoq.
Politiit sunik ulapputeqarsimanersut, pingaartunit itinerusumik oqaluttuarineqanngilaq.
Aammali Nuummi illoqarfiup qeqqani biilit nummerpladeqanngitsut assakartinneqarsimapput.
- Piginnittup nalunaarnissaa utaqqimaarparput, suliaq tassanngaanniit aallartikkumaarpoq, pingaartoq oqarpoq.
