Assammik arsarluni GM
Nunatsinni pissartanngorniunnermi unamminerit aalajangiisuusut ingerlanneqassapput
Assammik arsarluni nunatsinni pissartanngorniunnermi angutini kikkut medalje-nanniassanersut aalajangerneqareerpoq. Arnanilu holdit Nuummeersut ingerlalluaqaat
Nunatsinni assammik arsarluni pissartanngorniunnermi, Ilulissani ingerlanneqartumi, angutini puljemi unamminerit naammassineqareerput.
Pulje 1-imi ajugaapput pissartaanerminnik illersuisut GSS Nuummeersut, siorna sølvinnattoq Norsaq HC 23-17-imik ajugaaffigigamikku. Klubbit taakkua marluk ullumi, marlunngornermi, medaljenanniulluni unamminissanut piareersimapput.
Puljep aappaani klubbi aaqqissuussisuusoq Nagdlúngaq aamma NÛK medaljenanniulluni unamminissanut anngupput. Angerlarsimaffimmini unammisoq Nagdlúnguaq anngutissaguni ataasinngornermi unamminermi N-85 Narsameersoq ajugaaffigisariaqarpaa. Unammineq pissanganartoqanngilaq, qorsummik tuluujullit 41-19-imik ajugaammata.
Ullumi unamminerit pingaarutillit marluk ingerlanneqassapput, puljeni klubbit angusarissaarnerpaat marlunngornermi imminnut unammissammata. GSS-p NÛK unammissavaa, Nagdlúnnguullu Norsaq HC unammissallugu.
Arnani pissanganartoqanngilaq
Pissartanngorniunnermi GSS aamma NÛK saperneqarluinnarput. Holdit marluullutik suli ajugaaffigineqanngillat, pissartanngorniunnermilu imatorsuaq akiorneqartarsimanatik. Holdit taakkua marluk ullumi imminnut unammissapput.
Pingasunngornermi unamminissat:
Nalunaaqutaq 12.30 Arnat Kâgssagssuk - Norsaq HC
Nalunaaqutaq 14.00 Arnat NÛK - GSS
Nalunaaqutaq 15.30 Angutit S.A.K. - N 85
Nalunaaqutaq 17.00 Angutit GSS - NÛK
Nalunaaqutaq 18.30 Angutit Nagdlúnguaq - Norsaq HC
Nalunaaqutaq 20.00 Arnat Nagdlúnguaq - Kâgssagssuk
Nalunaaqutaq 21.30 Arnat Nagtoralik - GSS