assammik arsarneq
Nunatsinni pissartanngorniunnerit U18-it aallartissavaat
Poorskimi atuanngiffeqarnerup nalaani nunatsinni pissartanngorniunnerpassuit ingerlanneqassapput. Tullianik pingasunngorpat assammik arsarluni U18-it pissartanngorniunnerat aallartissaaq
Annonse
Assammik arsarluni nukappiaqqat niviarsiaqqallu inuusuttut U18-it ukioq manna nunatsinni pissartanngorniunnissaanni klubbit tallimat peqataassapput. Pissartanngorniunnerit Maniitsumi ingerlanneqassapput.
Pissartanngorniunnernik aaqqissuussisuuvoq timersoqatigiiffik Kâgssagssuk.
Pissartanngorniunnermi peqataassapput GSS Nuummeersoq, SAK Sisimiuneersoq, Norsaq HC Aasianneersoq, Nagtoralik Paamiuneersoq kiisalu aaqqissuussisuusoq Kâgssagssuk.
Pissartanngorniunnerit aallartissapput pingasunngornermi marsip 23-anni, finalillu ingerlanneqassapput poorskip aappaani, marsip 28-anni.