Skip to main content

Nunatsinni peqqissartut amerlanerusut Islandiliaanneqartalissapput

Kalaallit Nunaata Islandillu suleqatigiinnerulernissaat eqqartorneqaqqippoq

Naalakkersuisut Siulittaasuata Aleqa Hammondip Islandip præsidentia Olafur Ragnar Grimsson arfininngornermi 30. august ataatsimeeqatigaa. Tassunga atatillugu Kalaallit Nunaata Islandillu suleqatigiinnerat eqqartorneqarpoq. 

Kalaallit Nunaat Islandilu 2013-mi suleqatigiinnissamik isumaqatigiissuteqarput. Inueqatigiinnerulernissaq nunanit soqutigineqarpoq. Suleqatigiiffiusinnaasut aamma allat ujartorneqarput. 

- Siullermik napparsimasut Nunatsinniit peqqissariartut suli amerlanerusut Islandimut peqqissariartalernissaat tunngavilerneqartariaqarpoq, ullumikkutuut Danmarkiinnangajammut peqqissariartarnermut naleqqiullugu, tamatumunngalu ilutigitillugu takornarissat amerlanersaasa Islandimut takornariartartut Nunatsinnut ingerlaqqittarnissaat sulissutigissavarput, Gunnar Bragi Sveinsson ataatsimeeqatigereerlugu Aleqa Hammond oqarpoq. Savalimmiormiut lagmandiat Kaj Leo Johannesen ataatsimeeqataavoq. 

Naligiissitaaneq
Nunani Avannarlerni Killerni angutit arnallu inuiaqatigiinni ineriartornermi naligiimmik atugassaqartinneqarlutik periarfissaqarnissaasa sulissutigineranni Nunarput Islandilu angusaqarsimaqaat.

- Siuariartornerit taama ittut Nunanut Avannarlernut Killernut tamarmut siaruarternissaat pingaaruteqarpoq, Aleqa Hammond oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER