Nunatsinni Nakorsaaneq: Nunatsinni covid-19-imik tunillatsissimasoqarnissaa ilimanarluinnarpoq
Covid-19-imik tunillatsissimasunik nunatsinniittoqalereersimanissaa ilimanarluinnarpoq. Taamatut isumaqarpoq Nunatsinni Nakorsaaneq Hernik L. Hansen.
Angalasut COVID-19-imik tunillatsissimallutik paasineqarsimasut, taamalu nunatsinnut tikeqqusaanngitsut malunnaatilimmik amerlisimapput. Qaammammi kingullermi angalasut qulit coronavirusimik tunillatsissimasut timmiartorsuarmut Kastrupimiit nunatsinnukartussamut ikeqqusaasimanngillat. Nunatsinni Nakorsaaneq Henrik L. Hansen oqaluttuarpoq:
- Qaammatip ataatsip matuma siornanut sanilliullugu tunillatsissimasunik nunatsinnut tikittoqarsimasinnaanera ilimanarluinnarpoq. Aggustimi Kastrupimiit aallarniartunik misissuinermi tunillatsisimasunik nassaartoqarsimanngilaq. Piffissamili kingullermi tunillatsissimasunik qulinik nassaarsimavugut, taanna oqarpoq nangillunilu:
Oqartussanit kaammattuutigineqarput:
Assatit akulikitsumik errortortakkit assanullu spriti atortaruk
Kakkissarfimmut talinnulluunniit quersortarit tangajortarilluunniit – assannuunngitsoq
Qisernaveersaarit. Allanik tunillaanermut peqqutaasinnaavoq
Assamminnerit, ulussakkut kuninnerit pakkunnerillu pinaveersaakkit - timikkut allap attornissaa killeqartiguk
Eqqiluisaarneq silaannarissartarnerlu eqqumaffigikkit - angerlarsimaffimmi aammali suliffimmi
Napparsimanermut ersiuteqaruit angerlarsimaannarit
Allanut qanillinaveersaarit
Pissarsiffik: Nunatsinni Nakorsaaneqarfik
- Kalaallit Nunaanni tuniluuttoqalersinnaaneranut aarlerinaat annertusisimaqaaq. Tassa tunillatsissimasunik nuatsinniittoqalereersimanissaa ilimanarluinnarpoq, Henrik L- Hansen oqarpoq.
Nunatsinni Nakorsaaneq isumaqarpoq, Kastrupimiit aallartoqartinnagu misissorneqartut pingasuugaangata marluk tunillatsissimasutut paasineqartartut.
Tassa COVID-19-imik tunillatsissimasut ikinnerpaamik pingasut nunatsinniilereersimanissaat ilimanarluinnarpoq angalaarsinnaapput.
Tuniluuttoqaleriaannaasoq
Savalimmiuni piffissami kingullermi tuniluuttoqarpoq, tassani tuniluunneq nunamut qanoq ililluni apuussimanersoq ilisimaneqarani. Tunillaassuisoq nassaarineqarsimavoq, tunillanneqarsimasulli nunanut allanut angalasimanatik.
Henrik L. Hansenip nunami maani taamatut pisoqarsinnaanera akerlilerusunngilaa.
- Ajornerpaamik pisinnaasoq tassaavoq, piffissap sivikitsunnguup ingerlanerani inuit arlallit tunillatsissinnaanerat, tuniluunnerullu nunami sumiiffinni arlalinni atuutilersinnaanera. Taamaammat nunami maani tunillattsittoqareersimasutut iliuuseqartariaqarpugut, Henrik L. Hansen oqarpoq.
Misissuisarneq annertusineqassasoq
Nunatsinni Nakorsaanerup oqaatigaa, sineriammi sumiiffinni arlalinni tuniluuttoqalersinnaanera pinngitsoortinniarlugu, katersuuttarnermut tunngatillugu nalunaarummik suliaqartoqareersimasoq. Ilaatigut kommuninit arlalinnit peqataatitaqartumik ataatsimiittoqannginnissaanik aaqqissuussisoqannginnissaanilluunniit , aamma nunap ilaaanut toqqaannartumik angalasoqannginnissaanik peqqussuteqartoqarpoq.
Tamatuma saniatigut tuniluuttoqalersinnaanera pakkersimaaniarlgu nunamilu misissuisoqarnerulernissaanik pisariaqartitsisoqanera pissutigalugu misissuisarnerit annertusineqassapput.
- Tunilliatsissimasoqarnerani misissuikulaartoqarnissaa pisariaqarluinnarpoq. Ullormut qassit misissorneqartassanersut pillugu killiliisimanngilagut. Misissuisarnerli malunaatilimmik annertusineqassaaq, Henrik L. Hansen oqarpoq.
Nakorsaanerup oqaluttuaraa, upernaaq piffissap ilaani ullormut inuit 200-t misissorneqartarsimasut.
Naalakkersuisut tikereernermi misissorteqqittoqartarnissaanik inassuteqareersut ullormut misissorneqartartut amerlereersimapput.