Nunatsinni najugallit amerlipput
Innuttaasut 120-inik januarip aallaqqataaniit apriilip aallaqqaataata tungaanut amerleriarsimapput. Illoqarfiullu annersaani innuttaasut 354-inik 2020-imiit amerleriarput.
Pisiniarfinni aqqusernginilu innuttaasut amerliartortut Nuummi takussaapput. Kalaallit Nunaanni Naatsorsueqqissaartarfiup naatsorsuinerani Nuummi innuttaasut apriilip aallaqqaataani 18.999-iupput. Naatsorsuinermi nunatsinnut nunattalu avataanut nuuttut, inunngortunut toqusimasunullu kisitsisit atorneqarput.
Nuummi innuttaasut amerlatsikkiartornerani Kommune Kujallermi allatorluinnaq kisitsiseqarpoq. Januaarimmi aallaqqaataaniit apriilip aallaqqaataata tungaanut innuttaasut kujataani 45-inik ikileriarsimapput. Tamanna Naatsorsueqqissaartarfimmi atuarneqarsinnaavoq.
Kujataani kisiat innuttaasut januaarimiilli ikilisimanngillat. Kommune Qeqertalimmi innuttaasut ukiup siulia sanilliullugu 38-inik ikilisimapput.
Avannaata Qeqqatalu kommuniani innuttaasut amerlerialaarput. Avannaata Kommuniani innuttaasut qulinik ilasimasut, Qeqqata Kommuniani 26-inik ilasimapput.
Ukiup aallartinnerani qaammatini pingasuni siullerni Nunatsinnut nutsertut katillugit 492-iupput, nunattalu avataanut nuuttut 359-iullutik.