Kalaallit Nunaanni Naatsorsueqqissaartarfik
Nunatsinni inuuniarneq Danmarkimut sanilliullugu akisunerujussuuvoq - nikingassutaa takuuk
Naleqqiussinerup takutippaa Nunatsinni akit ataatsimut qaffasissusaat Danmarkimi akinit 6,3 procentinik qaffasinnerusoq, Naatsorsueqqissaartarfiup kisitsisaatai nutaat malillugit.
Danmarkimili naatsorsueqqissaartarfiup atuisartunut akit qaffasissusiisa assigiinngissusaannik misissuinerata takutippaa nioqqutissat imalunniit kiffartuussiviit pineqartillugit akit nikerartarneri.
Naatsorsueqqissaarnermi immikkoortut 12-linngorlugit immikkoortinneqarsimapput. Assersuutigalugu Imigassat aalakoornartullit tupallu Nunatsinni akii Danmarkimi akinut naleqqiullugit 96,7 procentinik qaffasinnerupput. Nunatsinni attaveqaqatigiinnermi akigitinneqartut Danmarkimut naleqqiullugit 59,9 procentit missaannik aamma qaffasinnerupput, Danmarkimili naatsorsueqqissaartarfiup nalunaarusiaani takuneqarsinnaavoq.
Paarlattuanilli immikkoortuni Kalaallit akiliinikinnerusarput.
- Ineqarnermut, imermut, innaallagissamut gassimullu akit Danmarkimi akinut naleqqiullugit Nunatsinni 12,1 procentinik appasinnerupput, nioqqutissallu assigiinngitsualuit kiisalu kiffartuussiviit 20,8 procentimik nunatsinni appasinnerullutik, Kalaallit Nunaanni Naatsorsueqqissaartarfik taama paasissutissiivoq.
Nioqqutissat aningaasaqarnitsinnut sunniuteqarnerat inummiik inummut assigiinngiissutaarput.
Aningaaqarnitsinnulli sunniuteqarnerpaat Danmarkimut sanillersuukkaanni akitigut 5 procentimik qaffasinnerusut ukuupput: iffiat, neq, tungusunnitsut, mamalaaq, sukkulaat allarpassuillu., imeq, sodavandi, naatitat, imigassat, tupat, pequtit ineqarnermullu atugassat, angallannermut kiffartuussiviit, attaveqarnermut kiffartuussiviit, nipilerutit assilerutit qarasaasialerissutillu, sunngiffimmi atortut kiisalu uffaatit assigisaalu.
Misissuinermi nunatsinni moms-imut akiliisoqartannginnera eqqaaneqanngilaq.